नागरिक रैबार/बाजुरा १९ पुस। बाजुराको जिल्लाकाे खप्तड छेडेदह गाउँपालिका वडा नम्बर ४ खाती गाउँको १ घरमा आगलागी भएको छ । मंगलबार दिउसो सोही वडाका आइते धामिकाे घरमा आगलागी भएको जिल्ला प्रहरी कार्यालय बाजुराले जनाएको छ । प्रहरीका अनुसार धामीको घर नजिकै रहेको आफरबाट आगाेको झिल्काेले घरमा आगलगी भएकाे हो।
खरले छाएकाे घरमा आगलागी हुँदा घर पुर्ण रुपमा जलेकाे र घरमा रहेका १२ वटा खराया समेत जलेर नष्ट भएका छन् । घरमा आगाेलागेपछी घर भित्र रहेको १७ हजार नगद अन्नपात, ५० हजार बराबरकाे दारकाठ र लत्ताकपडा लगाएत अन्य गरेर जम्मा १ लाख ६७ हजार बराबर धनजनको क्षति भएको वडा अध्यक्ष दल बहादुर धामीले बताएका छन् ।
फेसबुक प्रतिक्रियाहरु