बाजुरामा दलित समुदायलाई नमुना मतदान सम्बन्धि शिक्षा दिईदै
समाचार
बाजुरामा दलित समुदायलाई नमुना मतदान सम्बन्धि शिक्षा दिईदै
नागरिक रैबार
बिहिबार, बैशाख १५, २०७९
अ
अ
अ
नागरिक रैबार/बाजुरा १५ बैशाख। आगामी बैशाख ३० गते हुने स्थानीय तहको निर्वाचनको मिति नजिकिएसंगै मतदाताहरुलाई मतपत्रमा कसरी मतदान गर्ने भन्ने बारे शिक्षा दिन थालिएको छ ।
युएन डिपिको सहयोग तथा रास्ट्रिय दलित नेटवर्क नेपालको आयोजनामा बाजुरा जिल्लाको बडीमालिका नगरपालिका र बुढिगंगा नगरपालिकाका दलित समुदायका ४ सय जना मतदातालाई नमुना मतदान सम्वन्धि शिक्षा दिईने भएको छ ।
विज्ञापन
युएन डिपिको सहयोग तथा राष्ट्रिय दलित नेटवर्क नेपालको आयोजनामा बाजुरा जिल्लाका लागि निर्वाचन प्रकृया, मतदाता शिक्षा र नमुना मतदान बारे यस अघि नै धनगढीमा स्वमंसेवकलाई अभिमुखिकरण कार्यक्रम गरेर प्रशिक्षण गरिएको थियो ।
जिल्लाका यी दुई नगरपालिका भित्रका दलित समुदायका मतदातालाई घरमै पुगेर मतदाता शिक्षा दिईरहेको मतदाता शिक्षा अभियानका स्वंयम सेवक प्रेम नेपालीले बताएका छन् ।
आमागी बैशाख ३० गते हुने स्थानीय तहको निर्वाचनमा दलित समुदायका मतदातालाई निर्वाचन प्रक्रिया, मतदाता शिक्षा, नमुना मतदाताका बारेमा जानकारी गराईएको स्वंम सेवक नेपालीले बताएका छन् ।
उनका अनुसार मतपत्रमा कसरी स्वस्तिक छाप लगाउने र निर्वाचनमा बदर मतको संख्यामा कमि गर्न दलित समुदायका गाउँगाउँमा पुगेर बैशाख १७ गतेसम्म ४ सय जना मतदातालाई नमुना मतदान सम्वन्धि शिक्षा दिईने छ ।
फेसबुक प्रतिक्रियाहरु