एमालेले जिसस बाजुरामा सिफारिस गरेका पदाधिकारी यि हुन्
समाचार
एमालेले जिसस बाजुरामा सिफारिस गरेका पदाधिकारी यि हुन्
नागरिक रैबार
आइतवार, साउन १, २०७९
अ
अ
अ
नागरिक रैबार/बाजुरा १ साउन। नेकपा एमाले जिल्ला कमिटी बाजुराले जिल्ला समन्वय समितिको प्रमुखमा तुलसीराम रोकाया र उपप्रमुखमा लाछु सार्कीलाई सिफारिस गरेको छ ।
सदरमुकाम मार्तडीमा बसेको एमाले जिल्ला कमिटीको ५ औं बैठकले जिससको प्रमुख रोकाया र उपप्रमुखमा सार्कीलाई सिफारिस गरेको हो ।
जिसस प्रमुखमा सिफारिस भएका रोकाया हालै सम्पन्न स्थानीय तहको निर्वाचनमा गौमुल गाउँपालिका वडा नम्बर ६ मा ५ सय १७ मत ल्याएर वडा सदस्यमा विजयी भएका थिए । भने उपप्रमुखमा सिफारिस भएकि सार्की जगन्नाथ गाउँपालिका ६ मा ४६८ मत ल्याएर खुला सदस्यमा निर्वाचित भएकि थिईन् । प्रमुखमा सिफारिस भएका रोकाया नेकपा एमालेको जिल्ला कमिटी सचिवालय सदस्य हुन् ।
विज्ञापन
त्यस्तै बैठकले समन्वय समितिको सदस्यका लागि अन्य सदस्यहरुपनि सिफारिस गरेको छ । जसमा बुढीगंगा ६ का हिक्मत बहादुर थापा, बुढीनन्दा ६ का मनराज भण्डारी, स्वामिकार्तिक ५ का लालबहादुर महतारा, महिला सदस्यमा खप्तड क्षेडेदह कल्चुदेवी रावत, हिमाली २ बाट कल्धरा बुढा, बडीमालिका ५ बाट लक्ष्मी बुढा साउँद र दलित सदस्यमा त्रिवेणीबाट रम्भा देवि विकलाई सिफारिस गरेको नेकपा एमाले जिल्ला कमिटी बाजुराले बताएको छ ।
स्थानीय तह निर्वाचन २०७९ मा नेकपा एमालेले ६ पालिका बडीमालिका, बुढीनन्दा, बुढीगंगा नगरपालिका र गाउँपालिका तर्फ गौमुल, खप्तड क्षेडेदह र जगन्नाथ गाउँपालिका जितेर जिल्ला समन्वय समितिको नेतृत्व लिन सफल भएको छ । ०७४ को निर्वाचनमा भने ६ पालिकामा जितेर नेपाली काँग्रेसले जिल्ला समन्वय समितिको समेत नेतृत्व गरेको थियो ।
फेसबुक प्रतिक्रियाहरु