नागरिक रैबार
बाजुरा २ बैशाख
नेकपा एमालेबाट बडीमालिका नगरपालिका वडा नं. ७ काे वडा अध्यक्षमा जंग विक सर्वसम्मत उम्मेदवार बनेका छन् ।
एमालेबाट बडीमालिका ७ काे वडा अध्यक्षमा जंग विकलाई सर्वसम्मत उम्मेदवार बनाईएकाे नेकपा एमाले बडीमालिका नगर कमिटी अध्यक्ष धर्मराज पाद्यायले बताएका छन् ।
नेकपा एमाले बाजुराकाे तेस्राे पूर्ण बैठकबाट जिल्ला कमिटी सदस्यमा मनाेनित भएका विक नगरपालिकामा लाेकपृय युवा नेताका रूपमा परिचित रहेका छन् ।
बडीमालिका नगरपालिकामा एमालेबाट नेता विक सर्वसम्मत हुने पहिलाे वडा अध्यक्षका उम्मेद्वार बनेका छन् ।
यस अघि समेत साे वडा एमालेबाट हालका नगर कमिटी अध्यक्ष रहेका धर्मराज पाध्याय नेपाली काँग्रेसका विजयराज जैशीलाई ६ मतले पराजित गरेर वडा अध्यक्षमा विजयी भएका थिए ।
बडीमालिका नगरपालिकाका ९ वटा वडा मध्ये ७ नम्बर वडा बाहेक अन्य ८ वटा वडा र नगरपालिकाकाे उपमेयरमा भने अझै उम्मेदवार छनाेट हुन् सकेका छैनन् ।
नगर कमिटी अध्यक्ष पाध्यायका अनुसार एमालेबाट बडीमालिकाकाे मेयरमा एमाले बाजुराका संगठन विभाग प्रमुख अम्मर खड्का यस अघि नै सर्वसम्मत उम्मेदवार भईसकेका छन् ।