नागरिक रैबार/बाजुरा २९ भदौ। बाजुरामा ५८ औं राष्ट्रिय बालदिवस भव्य कार्यक्रम गरेर मनाएको छ । ‘बालमैत्री समाजको आधार, जिम्मेवार परिवार, उत्तरदायी सरकार” भन्ने मुल नाराका साथ बाजुराका ९ वटै स्थानीय तहका विद्यालयहरुले विभिन्न कार्यक्रम गरेर सो दिवस भव्यताका साथ मनाएका हुन् ।

दिवसकै अवसर पारेर बाजुराको बडीमालिका नगरपालिकामा रहेको मालिका माविले विद्यालयमा अध्ययनरत विद्यार्थीहरु विच हाँजिरिजवाफ, हिसाव दौड, बेलुन फटाउने खेल, विद्यार्थीका साँस्कृतिक कार्यक्रमहरु र एनसिसीका विद्यार्थीहरुबाट पीटि प्रर्दशन लगायतका कार्यक्रमहरु गरेर दिवस मनाएको थियो ।

दिवसको अवसरमा विद्यालयमा गरिएका कार्यक्रमहरुबाट प्रथम, द्धित्तिय र तृत्तिय स्थान ल्याउने विद्यार्थीहरुलाई मेडल र प्रमाण पत्र समेत प्रदान गरेको थियो ।
मालिका माविको प्राङ्गणमा आयोजना गरिएको उक्त दिवस विव्यस अध्यक्ष दिर्घराज पाध्यायको अध्यक्षतामा संचालन गरिएको थियो ।

बाल दिवस समारोहको प्रमुख अतिथि बडीमालिका नगरपालिकाका कार्यवाहक नगर प्रमुख धर्मराज पाध्याय रहेका थिए भने विशिष्ट अतिथि बडीमालिका ८ का वडा अध्यक्ष चन्द्रबहादुर थापा रहेका थिए । त्यस्तै अतिथिमा बडीमालिकाका प्रमुख प्रशासकीय अधिकृत रंगमल विक र शिक्षा विकास तथा समन्वय इकाई बाजुराका प्रमुख हर्कबहादुर सिंह रहेका थिए ।

विज्ञापन

दिवसको अवसरमा बोल्ने अधिकाँस बक्ताहरुले नेपालले राष्ट्रिय तथा अन्र्तराष्ट्रिय बाल महासन्धीमा विभिन्न प्रतिवद्धता जनाएपनि बालबालिकाले पाउनु पर्ने विभिन्न अधिकारहरु अझै पनि सुनिश्चित हुन नसकेको र बालबालिका तथा किशोर किशारीहरुलाई आफ्नो अधिकारको प्रत्याभूत गराउन र उनीहरुलाई चेतनशिल बनाउन राज्य मात्र नभई घरपरिवार, विद्यालय, समाज लगायत सबैको उत्तिकै महत्वूणर् भूमिका रहेको बताएका छन् ।

मालिका माविका प्राचार्य शुभराज पाध्यायले कार्यक्रमको स्वागत मन्तव्य राखेका थिए भने कार्यक्रमको संचालन विद्यालयका शिक्षक उत्तमराज जोशीले गरेका थिए । कार्यक्रमका विद्यालयका शिक्षक/शिक्षिका छात्र/छात्रा लगायतको सहभागिता रहेको थियो ।