नागरिक रैबार/बाजुरा ३१ बैशाख। बाजुराका खप्तड छेडेदह–१ काँडाको वडाध्यक्षमा नेपाली कांग्रेसका वीरबहादुर रावल प्यानलसहित विजयी भएका छन् । उनी निकटतम प्रतिद्वन्द्वी नेकपा एमालेका दानबहादुर रोकायालाई ४१ मतले हराउँदै वडाध्यक्षमा विजयी भएका हुन् ।

वडा सदस्यमा पनि कांग्रेसकै उम्मेदवार विजयी भएका छन् । रावल २०७४ को स्थानीय तह निर्वाचनमा एमालेबाट वडाध्यक्ष विजयी भएका थिए । उनी यस पाली कांग्रेसमा प्रवेश गर्दै टिकट पाएका थिए ।

साबिकको काँडामा गठबन्धन भएको थिएन भने कांग्रेस र एमालेको कडा प्रतिस्पर्धा हुने आकलन गरिएको थियो । वडा नम्बर १ मा गाउँपालिका अध्यक्ष र उपाध्यक्षले पनि लिड गरेका छन् ।

विज्ञापन