नागरिक रैबार/बाजुरा २८ चैत्र। नेकपा एमाले जिल्ला कमिटी बाजुराको तेस्रो पूर्ण बैठकले नयाँ ३ जनालाई जिल्ला कमिटी सदस्यमा मनोनित गरेको छ ।

सोमबार सदरमुकाम मार्तडीस्थित पार्टी कार्यालयमा बसेको एमाले बाजुराको तेस्रो पूर्ण बैठकबाट बडीमािलका नगरपालिकाका जंग विक, स्वामीकार्तिक खापर गाउँपालिकाका दिलिप शाही र त्रिवेणी नगरपालिकाका खड्क साउँदलाई जिल्ला कमिटी सदस्यमा मनोनित गरेको एमाले बाजुराका प्रचार विभाग प्रमुख काँशी विकले बताएका छन् ।

यस अघि एमालेको ७ औं जिल्ला अधिवेशनबाट ९० जनाको जिल्ला कमिटी बनेको थियो । पार्टीको तेस्रो प‍ूर्ण बैठकले ३ जनालाई जिल्ला कमिटीमा मनोनित गरेसंगै अव एमाले बाजुराको जिल्ला कमिटी ९३ जनाको बनेको छ ।

विज्ञापन

आगामी बैशाख ३० गते हुने स्थानीय तहको निर्वाचनलाई लक्षित गरेर सदरमुकाम मार्तडीमा बसेको एमाले बाजुराको तेस्रो पूर्ण बैठकले यस अघि कोल्टीमा सम्पन्न भएको बैठकबाट भएका निणर्यहरु अनुसार गाउँ, टोल, वडा र पालिका स्तरमा भएका पार्टीका सम्पूर्ण गतिविधि लगायत चुनावी रणनितिका बारेमा बैठकमा छलफल हुने एमाले बाजुराले जनाएको छ ।