नागरिक रैबार/बाजुरा २३ असार। बुढिगंगा नगरपालिकामा आज भएकाे मतदान सम्पन्न भएको छ । सबै मतदान केन्द्रमा बिहान ७ बजे बाट शुरु भएको मतदान साँझ ५ बजे सम्पन्न भएको प्रमुख जिल्ला अधिकारी प्रकाश चन्द अधिकारीले वताएका छन् ।
बुढिगंगा ९ को त्रिशक्ति मतदान केन्द्रमा बाहेक अन्य ठाउँमा शान्तिपूर्ण तरिकाले मतदान सम्पन्न भएको प्रजिअ अधिकारीले बताएका छन् ।बुढिगंगा नगरपालिकामा रहेका १० वटा मतदान स्थलमा नेपाल प्रहरी, शसस्त्र प्रहरी, नेपाली सेना र राष्ट्रिय अनुसन्धान गरि एउटा स्थलमा एक सय भन्दा बढी सुरक्षाकर्मी परिचालन भएका थिए । मतदान स्थलको सुरक्षा नेतृत्व नेपाल प्रहरी, शसस्त्र प्रहरीका अधिकृतले गरेका थिए ।
बुढिगंगामा नगरपालिका १३ हजार ६ सय ५९ मतदाता रहेका छन् । १० वटा मतदान स्थल र १९ वटा मतदान केन्द्र रहेको जिल्ला निर्वाचन कार्यलय बाजुराले जनाएको छ ।
विज्ञापन
नगरप्रमुखमा नेकपा एमालेबाट रामबहादुर बानियाँ र नेपाली काँग्रेसबा रङ्ग बहादुर खाति उम्मेदवार रहेका छन् । भने उपमेयरमा एमालेबाट माया खड्का (कुँवर) र काँग्रेसबाट रिता शाही छन् ।
बुढीगंगामा एमालेले नगरप्रमुख उपप्रमुख सहित १० वटा वडामा उम्मेदवार बनाएको छ भने नेपाली काँग्रेसले नगरप्रमुख उपप्रमुख सहित ९ वटा वडा र ९नम्बर वडामा नेकपा एकिकृत समाजवादीलाई वडा अध्यक्षमा उम्मेदवार बनाएको छ
फेसबुक प्रतिक्रियाहरु