सुदूरपश्चिमका ८ जिल्लामा आज एमालेको अधिवेशन

प्रदेश ७

सुदूरपश्चिमका ८ जिल्लामा आज एमालेको अधिवेशन

नागरिक रैबार

सुदूरपश्चिमका ८ जिल्लामा आज एमालेको अधिवेशन

शुक्रबार, पुस २३, २०७८

धनगढीः सुदूरपश्चिमका ८ जिल्लामा आज एमालेको अधिवेशन हुँदै छ। बझाङबाहेक प्रदेशका ८ जिल्लामा नेतृत्व चयनका लागि अधिवेशन भइरहेको हो। अधिकांश जिल्लामा अध्यक्षका लागि धेरै आकांक्षी देखिएपछि सहमतिको प्रयास भइरहेको छ भने सहमति हुन नसके निर्वाचनमार्फत नेतृत्व चयन गरिने एमालेले जनाएको छ।

कैलाली जिल्लाको नेतृत्वका तीन जना आकांक्षी छन्। नेता रतन थापा, रणबहादुर चन्द र डेजी पाण्डेले इच्छा देखाएका हुन्। एमालेको अघिल्लो अधिवेशनमा उपाध्यक्षमा निर्वाचित थापा अहिले जिल्ला अध्यक्ष र सचिवमा निर्वाचित चन्दले उपाध्यक्षको पद सम्हालिरहेका छन्।

नेता चन्दले पार्टीका नेता र कार्यकताको सुझावअनुसार अध्यक्षमा दाबी गरेको बताए। ‘नेता र कार्यकर्ताले अध्यक्ष बन्न आग्रह गरिरहेका छन्,’ उनले भने, ‘सहमतिमा जिल्ला नेतृत्व चयनका लागि छलफल भइरहेको छ। सहमति हुन नसके चुनावी प्रक्रिया अगाडि बढ्छ। मैले यसपटक अध्यक्षमा दाबी छोड्दैन।’

यता अध्यक्षका अर्का आकांक्षी रतन थापाले नेता–कार्यकर्ताको सल्लाहअनुसार नै अध्यक्ष बन्ने इच्छा राखेको बताए। ‘एमालेमा सक्रिय भएको पनि धेरै वर्ष भइसकेको छ,’ थापाले भने, ‘विभाजनपछि पनि एमालेलाई कैलालीमा ठूलो धक्का लागेको छैन। त्यसमा मेरो नेतृत्वको पनि भूमिका छ होला जस्तो लाग्छ। त्यसैले पनि एक कार्यकाल अध्यक्ष भएर काम गर्ने इच्छा छ।’ उनले सहमतिमै जिल्ला नेतृत्व चयन हुने सम्भावना बलियो रहेको बताए।

अर्का नेता पाण्डेले एमाले जिल्लामा पहिलो शक्ति भएको बताउँदै यसलाई कायम राख्नका लागि अध्यक्षका दाबेदारी पेश गरेको बताए। ‘अहिले कैलालीमा एमाले पहिलो शक्ति छ र यसलाई यथास्थितीमा राख्नका लागि र थप शक्ति आर्जन गर्नका लागि मेरो उम्मेदवारी हो,’ उनले थपे, ‘यसमा आम कार्यकर्ताको सहमति छ भन्ने विश्वास छ।’

उता कञ्चनपुरको नेतृत्व छनोटका लागि पनि तीन जनाले दाबेदारी पेश गरेका छन्। जिल्लामा एमालेका वर्तमान अध्यक्ष वीरबहादुर थापा, भीमदत्त नगरपालिकाका मेयर सुरेन्द्र बिष्ट र वेदकोट नगरपालिकाका मेयर अशोक चन्द अध्यक्षमा आकांक्षी छन्। उनीहरुका बीचमा बुधवार छलफल हुने भएको छ।

डडेल्धुरामा अध्यक्षका लागि वर्तमान अध्यक्ष प्रकाश साउँद, अमरगढी नगरपालिकाका मेयर विशेश्वर प्रसाद ओझा, राष्ट्रिय युवा संघका केन्द्रीय उपाध्यक्ष गजेन्द्र शाही र प्रदेश कमिटी सदस्य पदम पालले आकांक्ष देखाएका छन्। बैतडीमा वर्तमान अध्यक्ष सुरेन्द्र पाल र पञ्चेश्वर गाउँपालिकाका अध्यक्ष गोरखबहादुर चन्द अध्यक्ष पदमा आकांक्षी देखिएका छन्।

पार्टीले सहमति गरेमा दार्चुलामा वर्तमान अध्यक्ष रामचन्द्र जोशी पुनः अध्यक्ष बन्ने दाउमा छन्। तर उनीसँगै नौगाढ गाउँपालिकाका अध्यक्ष प्रेमसिंह धामी, एमाले प्रदेश कमिटी सदस्य मोहनसिंह धामी, वर्तमान उपाध्यक्ष उदयसिंह बडाल र ज्ञानेन्द्र घर्तीले पनि अध्यक्ष बन्ने चाहना बनाएका छन्। बाजुरामा कालीबहादुर शाही, भरत थापा, भरत बुढा र लालबहादुर ओली अध्यक्षका आकांक्षी छन्। अछाममा प्रकाश शाहले पत्रकार सम्मेलन गर्दै अध्यक्षमा उम्मेदवारी दिने घोषणा गरेका थिए। उनीसँगै चन्द्र बोहरा र कृष्णप्रसाद जैशी पनि अध्यक्षका आकांक्षी छन्।

अघिल्लो समाचार

पाँच दलीय समन्वय समितिको बैठक जारी

अर्को समाचार

१६ जिल्लामा एमाले अधिवेशन नहुने

फेसबुक प्रतिक्रियाहरु

[gs-fb-comments]

चर्चामा

१

स्वामीकार्तिक खापरको उपाध्यक्षमा एमालेकी बुढाले गराईन उम्मेदवारी दर्ता

सम्बन्धित समाचार

देश/प्रदेश

धनगढीमा प्रदेशस्तरीय सुरक्षा गोष्ठी हुँदै

धनगढीः कैलालीको धनगढीमा प्रदेशस्तरीय सुरक्षा गोष्ठीको आयोजना गरिएको छ। गोष्ठीमा गृहमन्त्री रमेश लेखक सहभागि छन्। गोष्ठीमा सुरक्षा निकायका प्रमुख लगायत सहभागि छन्। प्रदेशस्तरीय सुरक्षा गोष्ठीमा मुख्यमन्त्री कमलबहादुर शाह लगायत मन्त्री, प्रदेश सभा सदस्य लगायत पनि सहभागि भएका छन्। प्रदेशस्तरीय सुरक्षा गोष्ठीको गृहमन्त्री रमेश लेखकले उद्घाटन गरेका छन्। विज्ञापन

५ दिन अगाडि

देश/प्रदेश

उपचुनाव : सुदूरपश्चिममा ६ पदका लागि ३० जनाको उम्मेदवारी

सुदूरपश्चिममा छ पदमा हुने उपचुनावका लागि ३० जनाको उम्मेदवारी परेको छ । प्रदेश निर्वाचन कार्यालयले दिएको जानकारीअनुसार एक जिल्ला समन्वय समिति प्रमुख, एक उपाध्यक्ष र चार वडा अध्यक्षका लागि ३० जनाको उम्मेदवारी परेको हो । जिल्ला समन्वय समिति कैलालीको प्रमुखमा नेपाली कांग्रेस र नागरिक उन्मुक्ति पार्टीबाट उम्मेदवारी परेको छ । प्रदेश निर्वाचन कार्यालयका प्रमुख प्रेमराज […]

१ हप्ता अगाडि

देश/प्रदेश

चाडपर्व सुरु भएसँगै दैनिक एक हजारको संख्यामा परदेशीहरु घर फर्किन थाले

धनगढीः हिन्दुहरुको महान चाड बडा दशैं हिजो (विहिबार) देखि सुरु भएको छ।महान चाड बडा दशै, तिहार र छठपर्व मनाउन यतिबेला नेपाल–भारत सीमा नाका भएर ठूलो संख्यामा परदेशीहरु घर फर्किन थालेका छन्। भारतसँग सीमा जोडिएको सुदूरपश्चिमको गौरीफन्टा, गड्डाचौकी, झुलाघाट, पुलघाट, जोलाजिमी खकरुला हुँदै घर फर्किनेको संख्या बढ्दै गएको छ। यी नाका भएर दैनिक एक हजारको संख्यामा […]

२ महिना अगाडि

देश/प्रदेश

सुदूरपश्चिम : जता प्रभावशाली नेता, उतै बजेटको चाङ

धनगढी । सुदूरपश्चिम प्रदेश सरकारले राजनीतिक उतारचढावका बिच निकै ढिलोगरी ल्याएको चालु आर्थिक वर्षको बजेट विवादमुक्त हुन सकेन । मुख्यमन्त्री कमलबहादुर शाह नेतृत्वको सरकारले बजेट ल्याउनुपूर्व बजेट निर्माणका चार वटा आधार तय गरेको थियो । तर सरकार त्यो आधार कार्यान्वयनमा चुकेको छ । यहाँसम्म कि सुदूरपश्चिमको बजेट व्यक्ति केन्द्रित देखिएको छ । मन्त्रीदेखि प्रभावशाली सांसदको […]

२ महिना अगाडि

देश/प्रदेश

कैलालीको गोदावरी–९ को कार्यालयमा चार दिनदेखि ताला

धनगढी : कैलालीको गोदावरी नगरपालिका–९ को कार्यालयमा चार दिनदेखि ताला लगाइएको छ। नगरपालिका र सुदूरपश्चिम प्रदेश सरकारले सडक निर्माणका लागि बजेट विनियोजन नगरेको भन्दै वडा कार्यालयमा ताला लगाइएको हो।धनगढी–सेहरी सडक निर्माणका लागि बजेट विनियोजन नगरेको भन्दै गोदावरी नगरपालिका–९ सेहरीका स्थानीय आन्दोलित छन्। उनीहरूले सङ्घर्ष समिति गठन गरेर वडा कार्यालयमा ताला लगाएका हुन्। सङ्घर्ष समितिले गोदावरी […]

२ महिना अगाडि

प्रदेश ७

सुदूरपश्चिमा बाढी र पहिरोबाट ७ जनाको मृत्यु, ५११ परिवार प्रभावित

धनगढीः सुदूरपश्चिममा चालु आर्थिक सुरु भएयता बाढी र पहिरोका ४७ घटना घटेका छन्। पहिरो र ३७ र बाढी १० गरेर ४७ घटना घटेको प्रदेश आपतकालिन कार्यसञ्चालन केन्द्रको विवरणमा उल्लेख छ। पहिरोमा परेर ५ महिला र एक पुरुषको मृत्यु भइसकेको छ। ८ महिला र ८ पुरुष गरी १६ जना घाइते भएका छन्। पहिरोबाट एक सय २ परिवार […]