एमसीसी विरूद्ध साना वामपन्थी दलहरूको संयुक्त विरोध सभा
समाचार
एमसीसी विरूद्ध साना वामपन्थी दलहरूको संयुक्त विरोध सभा
नागरिक रैबार
शुक्रबार, फाल्गुन २०, २०७८
अ
अ
अ
काठमाडौँ । अमेरिकी सहयोग परियोजना एमसीसी संसदबाट पारित भएपछि आन्दोलित ८ वटा साना वामपन्थी दलको संयुक्त विरोध सभा खुलामञ्चमा सुरु भएको छ । आज (शुक्रबार) विरोध सभा सुरु हुनुअघि उनीहरुले विभिन्न स्थानबाट र्याली समेत निकालेका थिए ।
एमसीसी सम्झौताको विरोधमा नेत्रविक्रम चन्द विप्लव नेतृत्वको नेकपा, नेकपा मसाल, नेकपा (क्रान्तिकारी माओवादी), राष्ट्रिय जनमोर्चा, देशभक्त गणतान्त्रिक मोर्चा, ऋषि कट्टेल नेतृत्वको नेकपा, वैज्ञानिक समाजवादी कम्युनिष्ट पार्टी र नेकपा माओवादी समाजवादी रहेका छन् ।
विज्ञापन
उनीहरुले बुधबार नै एक संयुक्त विज्ञप्ति जारी गरेर एमसीसी सम्झौताविरुद्ध चरणबद्ध आन्दोलनका कार्यक्रमहरु घोषणा गरेका थिए । जस अनुसार आज फागुत २० गते काठमाडौँ उपत्यकामा विरोध प्रदर्शन र संयुक्त विरोधसभा गर्ने, फागुन २२ गते बुद्धिजीवीहरुसँग अन्तरक्रिया गर्ने, फागुन २४ गते विरोध प्रदर्शन र सभा तथा फागुन २६ गते विद्यार्थीहरूद्वारा क्याम्पस र विद्यालयमा विरोध प्रदर्शन तथा सभा गर्ने कार्यक्रम रहेको छ ।
यसैगरी फागुन २८ गते युवकहरूको विरोध प्रदर्शन र सभा, फागुन ३० गते मजदुरहरुको विरोध प्रदर्शन र सभा, चैत २ गते किसानहरुको विरोध प्रदर्शन र सभा, चैत ४ गते श्रमिक र दलित समुदायको विरोध प्रदर्शन र सभा, चैत ६ गते मोर्चाहरुले विरोध प्रदर्शन र सभा गर्ने कार्यक्रम रहेकाे छ ।
फेसबुक प्रतिक्रियाहरु