त्रिवेणीले विद्यार्थीलाई उत्कृष्ट मेयर छात्रवृति पुरस्कार प्रदान गर्ने
समाचार
त्रिवेणीले विद्यार्थीलाई उत्कृष्ट मेयर छात्रवृति पुरस्कार प्रदान गर्ने
नागरिक रैबार
बिहिबार, जेष्ठ १९, २०७९
अ
अ
अ
नागरिक रैबार/बाजुरा १९ जेठ। जिल्लाको त्रिवेणी नगरपालिकामा उत्कृष्ट मेयर छात्रवृति पुरस्कार प्रदान गर्ने भएको छ । त्रिवेणी नगरपालिकाको पहिलो कार्यपालिकाको बैठकबाट प्रत्येक बर्ष नगरका सामुदायिक विद्यालयबाट एसइइमा उत्कृष्ट नतिजा ल्याउने एकजना छात्र र एक जना छात्रालाइ उत्कृष्ट मेयर छात्रवृति प्रदान गर्ने नगरपालिकाले निर्णय गरेको नगरपालिकाका नगर प्रवक्ता खेमराज गिरीले बताएका छन् ।
सामुदायिक विद्यालयमा अध्ययन गरी एसइईमा उत्कृष्ट नतिजा ल्याउने एक जना छात्र र एक जना छात्रालाई प्रत्येक बर्ष छात्रवृति प्रदान गरिने प्रवक्ता गिरीले जानकारी दिनुभयो । त्यस्तै कार्यपालिकाको पहिलो बैठकबाट त्रिवेणी नगरपालिकाको सडक स्तरोन्नति पहिलो प्राथमिकतामा राखेको छ ।
नगरपालिका भित्रका चार क्षेत्रको सडक तत्काल निर्माण कार्य अगाडी बढाउने नगर प्रमुख कण थापाले बताउनु भयो । उहाँका अनुशार मौरे पन्धारा गडीगाउँ सडक, कालापानी , ताम्सु र पैमा सडक तत्काल निर्माण कार्य अगाडी बढाउने बताएका छन् । त्यस्तै यता मौरे , तोली , छतारा र चिप्लेखोला सडक स्तरोन्ती गरिने उनको भनाई छ ।
त्यसैगरी गर्भवती तथा सुत्केरी महिलाहरुको प्रसव पिडालाई मध्यनजर गरी आकस्मिक सेवाका लागी व्यवस्थापन गर्ने निर्णय गरेको छ । बुधवार कार्यापालिकाको बैठकबाट ६ वटा निर्णयहरु पारित गरिएका छन् । निर्णय यस्तो छ (सुचि सहित)
फेसबुक प्रतिक्रियाहरु