नागरिक रैबार/ बाजुरा ११ कार्तिक ।मुगु जिल्ला घर भएका एक जनाकाे जिल्ला अस्पताल बाजुरामा उपचारका क्रममा बुधबार राती मृत्यु भएको छ ।  मृत्यु हुनेमा मुगु जिल्ला खत्याड गाउँपालिका–१० ह्याङ्लुका २१ वर्षीय उमेश विक रहेका छन् । मृतक विकको दुबै मृगौला फेल भएपछि मृगौला प्रत्यारोपणमा गर्न चितवन मेडिकल कलेज लगिएको थियाे । त्यहाँ मृगौला प्रत्यारोपण गर्न लाखाै रकम लाग्ने जनाएपछि उनकाे आर्थिक अभाव भएपछि उपचार नगरि घरमा ल्याउने क्रममा जिल्ला अस्पतालमा मृत्यु भएको आफन्तले बताएका छन् ।  मृतक विककाे आजै जिल्ला अस्पतालमा पाेष्टमार्टम गरेर बाउली खाेलामा दाहसंस्कार गरिएकाे छ ।