नागरिक रैबार/बाजुरा १५ फागुन। जिल्लाको जगन्नाथ गाउँपालिकाका ५ वटा विद्यालयका २ सय ६० जना टुहुरा विद्यार्थीलाई शैक्षिक सामाग्री स्वरुप झोला र स्टेशनरी सामाग्री सहयोग गरिएको छ ।

प्रेमु पूर्ण प्रताप फाउण्डेसन दोलखाकी संरक्षक तथा सामाजिक अभियान्ता पद्मा प्रधानको सहयोगमा बाजुराको जगन्नाथ गाउँपालिकाका ५ वटा विद्यालयका २ सय ६० जना टुहुरा विद्यार्थीलाई शैक्षिक सामाग्री सहयोग गरिएको हो ।

विज्ञापन

बाजुराको जगन्नाथ गाउँपालिकाका सामाजिक अभियान्ता मनोज सिंहको समन्वयमा गाउँपालिकाका विद्यालयमा अध्ययनरत टुहुरा, असहाय, अतिगरिव परिवारका बालवालिकालाई शैक्षिक सामाग्री सहयोग गरिएको हो ।

जसमा जगन्नाथ गाउँपालिकाको वडा नं. ४ मा रहेको मालिका आधारभुत विद्यालयमा १ देखि ५ सम्मका ५० जना, बाल कल्याण आधारभुत विद्यालयका ३० जना, कैलाश मावि जगन्नाथ ३ महतिका ६० जना, जनउत्थान आधारभुत विद्यालय वडा नं. ५ का ५० जना र महादेव आधारभुत विद्यालय जगनाथ गाउँपालिका ३ मनिकाँडाका ६० जना विद्यार्थी गरी २ सय ६० जनालाई शैक्षिक सामाग्री स्वरुप झोला र स्टेशनरी सहयोग गरिएको अभियान्ता मनोज सिंहले बताएका छन् ।