नागरिक रैबार/बाजुरा ८ कार्तिक। बाजुराको सदरमुकाम मार्तडीमा ‘बाजुरा बैकुण्ठ रैछ’ बोलको मौलिक देउडा गीतको छायाकंन गरिएको छ ।

राजेन्द्र शाह विपीको शव्दमा तयार गरिएको बाजुराको संस्कृति झल्किने देउडा गीतको सोमबार मार्तडीमा छायाकंन गरिएको हो ।जिल्लाको मौलिक कला संस्कृतिलाई समेटेर तयार पारेको बाजुरा बैकुण्ठ रैछ बोलको ऐतिहासिक देउडा गीतको छायाङ्कन सदरमुकाम मार्तडीमा  गरिएको हो ।

बाजुरा जिल्लाका हरेक क्षेत्रका मौलिक पनहरुलाई समेटेर तयार पारिएको सो गीतमा देउडा गायक प्रकाश थापा, राजेन्द्र बाजुराली र पुणर्कला विसीको स्वर रहेको छ । गीतको एरेन्ज भने विनोद बाजुरालीले गरेका छन् ।

विज्ञापन

जिल्लाको सदरमुकाम मार्तडीको जिल्ला समन्वय समितिको प्राङ्गणमा देउडा गीत खेलिएको थियो भने देउडा गीत खेलाए पश्चात बाजुराको संस्कृति झल्कने सबै बृत्तान्त पर्दशन सहित बजारमा भुवापर्वको झल्को, अनन्ते पर्वको झल्को मागल, हुड्केउली र भोटे सेलो लगायतका पर्वहरु दृष्यमा देखाईएका छन् ।

गीत मार्फत पहिलो पटक जिल्लाको पुरै कला संस्कृति झल्किने गरी छायाकंन गरिएको सो गीत बजारमा ल्याउन धेरै समय लागेको गीतकार राजेन्द्र शाह विपीले बताएका छन् । उनका अनुसार बहुप्रतिक्षित उक्त देउडा गीत छायाकंन आजबाट सूरु भएकोले तिहारपछि भिडियो सहित बजारमा आउने छ ।

गीतमा पहिलोपटक ड्रोन क्यामेरा समेत प्रयोग गरिएको छ । डीवी रौलेले छायाङ्कन रहेको सो गीतको निर्देशन हर्क खडायतले गरेका छन् ।