वडा अध्यक्षको निधनपछि वडा कार्यालयको कामकाज प्रभावित
बडीमालिका
वडा अध्यक्षको निधनपछि वडा कार्यालयको कामकाज प्रभावित
नागरिक रैबार
मङ्लबार, जेष्ठ ११, २०७८
अ
अ
अ
नागरिक रैबार/बाजुरा ११ जेठ। जिल्लाको बडीमालिका नगरपालिका वडा नं. ९ का वडा अध्यक्ष विनोद कुमार विकको निधनपछि वडा कार्यालयको दैनिक कामकाज प्रभावित भएको छ ।
वडा अध्यक्ष विकको कोरोनाका कारण गत बैशाख २५ गते निधन भएपछि वडा कार्यालयको दैनिक कामकाज २ सातादेखि प्रभावित भएको होे ।
वडा अध्यक्षको निधनपछि निर्वाचित ४ जना वडा सदस्यहरु मध्ये वडामा कार्यवाहक वडा अध्यक्षको जिम्मेवारी कसले सम्हाल्ने भन्ने एकिन हुन नसकेपछि वडाबाट प्रवाह गरिने दैनिक कामकाज प्रभावित बनेको सेवाग्राहीले बताएका छन् ।
विज्ञापन
वडा अध्यक्ष विककोे निधन भएको झण्डै २ साता पुगेकोे छ । वडामा कार्यवाहक वडा अध्यक्षको जिम्मेवारी कसले लिने भन्ने बारेमा निर्वाचित वडा सदस्यहरु नै अहिले अन्योलमा परेका छन् ।
यस अघि वडा अध्यक्ष बाहिर हुँदा वडामा कार्यवाहक वडा अध्यक्षको जिम्मेवारी वडा सदस्य लालचन्द्र नेपालीले सम्हाल्दै आएका थिए ।
अहिले वडामा दैनिक जसो आउने सेवाग्राहीहरु विभिन्न काम लिएर आउँछन् । वडामा कार्यवाहक वडा अध्यक्षको जिम्मेवारी कसैले नपाएपछि वडा कार्यालयको दैनिक कामकाजमा बाधा पुगेको वडा सचिव गोरख रावलले बताएका छन् ।
वडा सचिवले वडामा गर्न सक्ने कामहरु गरिरहेकै छौं । वडामा निर्वाचित वडा सदस्यहरुको सहमतिबाट एकजनाले कार्यवाहक वडा अध्यक्षको जिम्मेवारी लिएपछि वडामा रोकिएका कामहरु हुनेछन् वडा सचिव रावलले भने ।
आर्थिक वर्षका लागि वडा स्तरबाट छनोट गर्ने योजनाहरु अन्य वडाले छनोट गरि नगरपालिकामा पेश गरिसेकेका छन् तर ९ नम्बर वडामा कार्यवाहक वडा अध्यक्षको जिम्मेवारी कसैले नपाएपछि वडा स्तरका योजना छनोट समेत गर्न सकिएको छैन् ।
निधन भएका वडा अध्यक्ष विकसहित वडाको पुरै कार्यसमिति नेकपा एमालेबाट निर्वाचित जनप्रतिनिधि हुन् ।
यता बडीमालिका नगरपालिकाले भने वडा समिति भित्रकै एकजनालाई कार्यवाहक वडा अध्यक्षको जिम्मेवारी दिनेगरी सहमति गर्ने निति छ ।
तर वडा समितिका चार जनाले अहिले सम्म एकजनालाई सहजै सहमति गर्न नसकेपछि कार्यवाहक वडा अध्यक्षको जिम्मेवारी चार जना वडा समितिका सदस्य मध्य एकजनालाइ दिने गरी नगरपालिकाले छलफल गर्ने बडीमालिका नगरपालिकाले जनाएको छ ।
फेसबुक प्रतिक्रियाहरु