नागरिक रैबार/बाजुरा ७ कार्तिक । नेपाली काङ्ग्रेस बाजुराका पुर्बपार्टी सभापति एंव पूर्व संबिधान सभा सदस्य देबराज जोशीले गृहमन्त्री बालकृष्ण खाँडलाई भेटेर बाजुराका बाढी पिडित परिवारलाई तत्काल राहत उपलव्ध गराउन माग गरेका छन् ।

नेपाल सरकारका गृहमन्त्री बालकृष्ण खाँडसंग आज भेटघाट गर्दै नेता जोशीले बाजुरा जिल्लामा असोज २९ देखि परेको अबिरल बर्षाका कारण जिल्लाका विभिन्न ठाउँमा बाढी पहिरोले गरेको क्षती बारे अवगत गराउँदै बाढीपहिरोबाट बिस्थापित परिवारका लागि राहत तथा उद्दारका लागि उचित पहल गर्न आग्रह गरेका हुन् ।

नेता जोशिले गृहमन्त्रीसंगको भेटमा लामो समयसम्म साँफे-मार्तडी सडकखण्ड पहिरोले गर्दा अबरुद्ध भएको बारे सरकारको ध्यानाकर्षण गराउनु भएको छ । जिल्लामा हालै गएको मौरे पर्यटकिय धार्मिक क्षेत्रको क्षेति, मालागाडा जलविद्युतमा भएको क्षति, जगन्नाथ गाउँपालिकाको बाढिले बगाएको कुरा र जगन्नाथ गाउँ पालिकाको खुख्खा पहिरोले भबिष्यमा हुनसक्ने समस्या लगायतका बिषयमा ध्यानाकर्षण गराएको नेविसंघका विद्यार्थी नेता तपेश रावलले बताएका छन् ।

विज्ञापन

नेता जोशिको आग्रह पछि गृहमन्त्री खाँडले अहिलेको बाढी पहिरोबाट भएको क्षेति र विस्थापित परिवारका लागि राहत तथा उद्धारका लागि सरकार गम्भीर रहेको र लगत्तै राहात तथा उद्दारका कार्यक्रम अगाडि बढाउने आश्वाशन दिनुभएको थियो ।