नागरिक रैबार/बाजुरा ८ भदौ ।नेपाल कम्युनिष्ट पार्टी (माओवादी केन्द्र) बाजुराले एमालेले आफ्नो पाट्रीमा समावेश गरेका जिल्ला कमिटी सदस्यहरु माओवादी केन्द्रमै रहेको बताएको छ ।

मंगलबार नेकपा माओवादी केन्द्र जिल्ला कमिटी बाजुराले एक प्रेस विज्ञप्ति जारी गर्दै आफ्ना जिल्ला कमिटी सदस्यहरु माओवादी केन्द्रमै रहेको दावी गरेको छ ।

मिति २०७८ साल भदौ ६ गते आईतबारका दिन नेकपा एमाले बाजुरा जिल्ला कमिटीको बैठकले माओवादी केन्द्रमा रहेका लालजित थापा, अर्जुन कटुवाल, हेमराज शाही, रंगलाल बोगटी, रामकला लुहार, रेखा कडारा, लालबहादुर विक, सस्तराम विष्ट, विरेन्द्र रोकाया र प्रकाश शाहीलाई आफ्नो पाटीमा रहेको भनि नाम समावेश गरेको भन्दै आपत्ति जनाएको छ ।

विज्ञापन

माओवादी केन्द्रका कार्यालय सचिव गोरखबहादुर सार्कीद्धारा हस्ताक्षरित प्रेस विज्ञप्तिमा माओवादी केन्द्रका माथि उल्लेखित सदस्यहरु माओवादी केन्द्रमै रहेकोले यस्ता गलत कुप्रचार-प्रसार नगर्न सम्वन्धित पक्षलाई आग्रह समेत गरेको छ ।

त्यसै गरी एमालेले माओवादी केन्द्रमा रहेका जिल्ला कमिटी सदस्य स्वग्रीय राजन बुढ्थापाको नाम समेत समावेश गरीएको प्रति घोर आपत्ति जनाएको छ ।

एमालले भने यस अघि आइतबार बसेको जिल्ला कमिटीको बैठकबाट उल्लेखित सदस्यहरु माआेवादी केन्द्र परित्याग गरेर एमालेमा समाहित भएको दावी गरेकाे छ ।

यी हुन् माओवादी केन्द्रमै रहेका जिल्ला कमिटी सदस्यहरु
१, लालजित थापा
२, हेमराज शाही
३, रंगलाल बोगटी
४, रामकला लुहार
५, रेखा कडारा
६, लालबहादुर विक
७, प्रकाश शाही