नागरिक रैबार/बाजुरा ९ बैशाख। नेकपा एमाले जिल्ला कमिटी बाजुराको ओली पक्षले जिल्ला अस्पताल बाजुरामा उपचाररत रहेका विरामीहरुलाई फलफुल र मास्क बाँडेको छ ।
नेपाल कम्युनिष्ट पार्टीको ७२ औं स्थापना दिवसको अवसरमा उक्त पक्षले विरामीलाई फलफुल र मास्क बाँडेको हो । विहिबार पार्टी स्थापना दिवसको अवसर पारेर नेकपा एमाले ओली पक्षका नेता जनक बोहराको नेतृत्वमा अस्पतालमा उपचार गराईरहेका विरामीहरुलाई प्रत्यक्ष भेटेर उनीहरुको स्वास्थ्य लाभको कामनासहित फलफुल र मास्क वितरण गरेको ओली पक्षका एक नागरिक रैबारलाई बताए ।
विज्ञापन
यो समयमा कोरोनाको उच्च जोखिम भएकोले मार्तडीमा उपलव्ध नेताहरु गएर विरामीलाई फलफुल र मास्क वितरण गरेका हौं उनले भने ।
यता पार्टी स्थापना दिवसकै अवसर पारेर एमालेकै माधव समूह पक्षले बाजुरामा प्रथम विस्तारित बैठकको आयोजना गरेको छ । पार्टीको स्थापना दिवसको अवसर पारेर बाजुरामा ओली पक्ष र नेपाल पक्ष दुवैले अलग–अलग कार्यक्रम गरेर पार्टी स्थापना दिवस मनाएका हुन् ।
फेसबुक प्रतिक्रियाहरु