माधव नेपाल गद्दार हुन्, अब एमालेमा कुनै ठाउँ छैन : ओली
राजनीति
माधव नेपाल गद्दार हुन्, अब एमालेमा कुनै ठाउँ छैन : ओली
नागरिक रैबार
सोमवार, साउन ४, २०७८
अ
अ
अ
काठमाडौँ– नेकपा एमालेका अध्यक्ष केपी शर्मा ओलीले वरिष्ठ नेता माधवकुमार नेपाल ‘कम्युनिस्ट आन्दोलनकै गद्दार’ भएको आरोप लगाएका छन् ।
सोमबार शुरू भएको एमालेको दशौँ केन्द्रीय कमिटी बैठकलाई सम्बोधन गर्दै ओलीले नेपाललाई गद्दार भएको आरोप लगाउँदै अब नेपालका लागि एमालेमा कुनै ठाउँ नभएको घोषणासमेत गरेका छन् ।
नेपालका लागि कुनै ठाउँ नभएको बताएका ओलीले अन्य नेताहरूले भने गल्ती स्वीकार गरेर, सच्चिएर आएमा पार्टीले स्वागत गर्ने बताए ।
विज्ञापन
आइतबार प्रतिनिधिसभामा एमालेका २२ जना सांसदले फ्लोर क्रस गरेर प्रधानमन्त्री शेरबहादुर देउवालाई विश्वासको मत दिएका थिए । उक्त घटनालाई ओलीले ‘चरम अनैतिक’ भएको टिप्पणी गरे ।
ओलीले उनीहरुलाई पार्टीले कारबाही गर्ने संकेत गरेका छन् । ‘पार्टीप्रति गद्दारी गर्नेहरुलाई कारबाही नगर्ने हो भने एमाले पार्टी अब पार्टी नै रहन्न’, ओलीले भनेका छन् ।
फेसबुक प्रतिक्रियाहरु