नागरिक रैबार/बाजुरा ५ बैशाख। जिल्लाको सदरमुकाम मार्तडीमा आजबाट १२ औं राष्ट्रपति रनिङ्ग सिल्ड तथा विद्यालय स्तरीय खेलकुद प्रतियोगिता सूरु भएको छ ।

स्वास्थ्यका लागि खेलकुद, राष्ट्रका लागि खेलकुद, सवैका लागि खेलकुद भन्ने मुल नाराका साथ उक्त प्रतियोगिता आजबाट सदरमुका मार्तडीमा सूरु भएको हो । जिल्ला खेलकुद विकास समिति बाजुराको आयोजनामा उक्त प्रतियोगिता आजबाट सदरमुकाम मार्तडीमा सूरु गरिएको हो ।

विज्ञापन

मालिका नमुना माविको खेलमैदानमा सूरु गरिएको उक्त प्रतियोगितामा जिल्लाका ९ वटा स्थानीय तहमध्ये ६ वटा स्थानीय तहका ७ वटा विद्यालयहरुले भाग लिएको आयोजक खेलकुद विकास समितिका कार्यालय प्रमुख लक्ष्मी बडुवालले बताएकी छन् ।

१२ औं राष्ट्रपति रनिङ्ग सिल्ड प्रतियोगिताको आईतबार जिल्ला समन्वय समिति बाजुराका प्रमुख नरेन्द्र कुमार रोकायाले व्यानर बाचन गरेर प्रतियोगिताको समुद्घाटन गरेका छन् ।

प्रतियोगीताको उद्घाटन समारोहमा सहायक प्रमुख जिल्ला अधिकारी समिर भण्डारी, बडीमालिका नगरपालिका उपप्रमख कविता विष्ट, नेपाल रेडक्रस सोसाइटी बाजुराका सभापति रमबहादुर शाही लगायत सरकारी तथा गैरसरकारी कार्यालयका प्रमुख, विद्यालयका प्रशिक्षक लगायत विद्यार्थी खेलाडिहरुको सहभागिता रहेकाे छ ।