होमपेज केही सेकेण्डमा लोड हुनेछ।

Advertisement area

  • Skip this

Advertisement area

बिहिबार, चैत्र १५, २०८०
जोडिनुहोस
  • होमपेज
  • अन्तर्राष्ट्रिय
  • अब ‘खोप पासपोर्ट’ !
अन्तर्राष्ट्रिय

अब ‘खोप पासपोर्ट’ !

  • नागरिक रैबार
अब ‘खोप पासपोर्ट’ !

२ चैत, काठमाडौं । कोरोना भाइरस (कोभिड-१९) को महामारी नियन्त्रणका लागि विश्वका धेरै मुलुकमा खोप कार्यक्रम सञ्चालन भइरहेका छन् ।

खोप अभियानसँगै सीमा खोल्न र आर्थिक गतिविधि बढाउन ‘खोप पोसपोर्ट’ वितरण गर्ने विषयमा छलफल सुरु भएको छ । यसले सुरक्षित रुपमा आर्थिक तथा सामाजिक गतिविधि बढाउन सकिने समर्थकहरुले बताएका छन् ।

 

विज्ञापन

चीन र इजरायलजस्ता मुलुकले आगामी दिनमा अन्तर्राष्ट्रिय भ्रमण खुला गर्ने र आर्थिक क्रियाकलाप बढाउन कोरोना प्रतिरोधी भएको प्रमाणीकरणको लागि आफ्नै प्रक्रिया अपनाइरहेका छन् । केही मुलुक कोरोना खोप लगाएको प्रमाणपत्र दिने विषयमा छलफल गरिरहेका छन् । त्यसो त यो अवधारणामा आशंका गर्ने पनि कम छैनन् ।

के हो त खोप पासपोर्ट ?

खोप पासपोर्ट कुनै पनि मानिसले कुनै रोगविरुद्धको खोप लिएको छ भनेर पुष्टि गर्ने कागजात हो ।

उदाहरणका लागि कोरोना खोप लगाएको पुष्टिका लागि दिइने कागजातलाई कोरोना खोप पासपोर्ट भनिन्छ । खोप पासपोर्ट हस्ताक्षर र स्ट्याम्पसहित कागज वा क्युआर कोडका रुपमा दिन सकिन्छ । ंखोप पासपोर्ट आगामी दिनमा अन्तर्राष्ट्रिय भ्रमणका साथै थिएटर र रेष्टुरेन्टमा प्रवेश गर्नका लागि पनि आवश्यक पार्नसक्ने जानकारहरु बताउँछन् ।

यद्यपि खोप पासपोर्टको योजनाले समाजमा विभाजन बढाउने केहीको भनाइ छ । यस्तोमा खोप पासपोर्ट भएका र नभएका गरी समग्र समाज दुई भागमा विभाजित हुने र केही सामाजिक क्रियाकलापमा एकाथरीले मानिसले अवसर पाउने र खोप पासपोर्ट नभएकै कारण अर्को पक्षलेसहभागी हुन नपाउनेजस्ता समस्या उत्पन्न हुने सम्भावना बढ्नेछ ।

खोप पासपोर्टको चर्चा किन ?

अहिले कोरोना खोप कार्यक्रम विश्वका धेरै मुलुकमा सञ्चालन भइरहेको छ । सुरक्षितरुपमा अन्तर्राष्ट्रिय भ्रमणको लागि सीमा खोल्ने र आर्थिक गतिविधि बढाउन खोप पासपोर्ट महत्वपूर्ण हुन सक्ने केहीको दाबी छ । सैद्धान्तिकरुपमा खोप लगाएको प्रमाण भएका मानिसहरुलाई मात्र मुलुकमा प्रवेशको अनुमति दिने निर्णय कोरोना नियन्त्रणको लागि निकै महत्वपूर्ण बन्नेछ ।

वास्तविकतामा भने खोप पासपोर्ट कसरी बनाउने र कार्यान्वयनमा ल्याउनेजस्ता चुनौती देखिनेछन् । त्यतिमात्र पनि होइन, असमानता बढाउने, गोपनीयताको अधिकार हनन हुन सक्ने र कोरोना नियन्त्रणको प्रयासमा अवरोध सिर्जना हुन सक्ने जोखिम पनि खोप पासपोर्टको अवधारणामा हुनेछ ।

कहिलेदेखि सुरु होला खोप पासपोर्टको प्रयोग ?

केही मुलुकले यसअघि नै कोरोना खोप पासपोर्ट दिइसकेका छन् । यद्यपि विश्वभर यसको प्रयोगको विषयमा विभिन्न किसिमको आशंका देखिएको छ । उदाहरणका लागि इजरायलले मानिसहरुलाई कोरोना खोप लगाएको प्रमाणपत्र दिन थालेको छ । यसलाई गि्रन पास नाम दिइएको छ ।

यो प्रमाणपत्र भएका मानिसलाई कोरोनाविरुद्धको प्रतिरोधी क्षमता भएका मानिसको रुपमा हेरिन्छ । यो प्रमाणपत्र ६ महिनासम्मका लागि मान्य हुनेछ । यसकिसिमको प्रमाणपत्र भएका मानिसहरुले कोरोना नियन्त्रणको लागि भन्दै प्रतिबन्ध लगाइएको जिम, रेष्टुरेन्ट, थिएटरमा जानेजस्ता अनुमति पाउनेछन् । त्यस्तै उनीहरुले विदेश भ्रमणमा जाने अनुमति पनि पाउनेछन् । इजरायलले यसअघि नै गि्रस र साइप्रससँग यस्तो सम्झौता गरिसकेको छ ।

चीनले पनि खोप पासपोर्टका साथै कोरोना परीक्षणको रिपोर्ट आवश्यक पर्ने नियम ल्याएको छ । त्यस्तै बहराइनले पनि यसको सुरुआत गरिसकेको छ भने डेनमार्क र स्वीडेनले पनि खोप पासपोर्ट जारी गर्ने तयारी गरिरहेका छन् । युरोपेली संघ -ईयू) खोप पासपोर्ट जारी गर्ने वा नगर्ने भन्नेबारे छलफलको क्रममा छ ।

फाइदाको र नोक्सानी

खोप पासपोर्टको पक्षमा वकालत गरिरहेका मानिसहरु यसको माध्यमबाट सुरक्षितरुपमा अन्तर्राष्ट्रिय भ्रमण र अर्थतन्त्र खोल्न सकिने बताउँछन् । यद्यपि सबैलाई कोरोना खोप पुर्‍याउन नसकिएको अवस्थामा भने यो ठूलो पक्षपात हुने नोबेल पुरस्कार विजेता अमेरिकी अर्थशास्त्री जोसेप स्टिग्लिज बताउँछन् । यसले पर्याप्त मात्रामा कोरोना खोप पुर्‍याउन नसकेका मुलुकलाई समस्या उत्पन्न गराउने उनको भनाइ छ । ‘अहिले अर्बौं मानिसहरुले कोरोना खोप पाएका छैनन् वा फरक फरक मुलुकको खोपमा फरक फरक किसिमको प्रतिरोधी क्षमता देखिएको छ । साथै उनीहरुले एन्टिबडी परीक्षण पनि फरक किसिमले गरिएको छ । यस्तोमा खोप पासपोर्ट कसरी सबै अन्तर्राष्ट्रिय प्रणालीमा सुहाउँदो किसिमको बन्न सक्छ ?’ उनले भने ।

एजेन्सीहरुको सहयोगमा

फेसबुक प्रतिक्रियाहरु

[gs-fb-comments]

चर्चामा

सम्बन्धित समाचार

विदेशबाट दुईवटा मोबाइल ल्याउन मिल्ने वातावरण बनाउन प्रधानमन्त्रीको निर्देशन
समाचार
विदेशबाट दुईवटा मोबाइल ल्याउन मिल्ने वातावरण बनाउन प्रधानमन्त्रीको निर्देशन

काठमाडौं– प्रधानमन्त्री पुष्पकमल दाहाल प्रचण्डले विदेशबाट फर्किँदा व्यक्तिगत प्रयोजनका लागि मोबाइल ल्याउने वातावरण बनाउन निर्देशन दिएका छन् । व्यक्तिगत प्रयोजनका लागि ल्याइएका मोबाइल त्रिभुवन अन्तर्राष्ट्रिय विमानस्थल भन्सारले कब्जामा लिएको चर्चा चलिरहेका बेला प्रधानमन्त्री प्रचण्डले व्यक्तिगत प्रयोजनका लागि अतिरिक्त मोबाइल ल्याउने वातावरण बनाउन अर्थमन्त्रालयलाई निर्देशन दिएको प्रचण्डको सचिवालयले जनाएको छ । विदेशबाट नेपाल फर्किँदा व्यक्तिगत प्रयोजनका […]

  • १ year अगाडि