नागरिक रैबार/बाजुरा २९ पुस। जिल्लाको बडीमालिका नगरपालिका -३ रजालीबाट अवैध भरुवा बन्दुक सहित तीन जनालाइ प्रहरीले पक्राउ गरेको छ ।
पुस २७ गते गोप्य सुचनाको आधारमा जिल्ला प्रहरी कार्यालय बाजुराबाट खटिएको टोलीले सोही नगरपालिका -३ रजाली बस्ने ४५ वर्षीय नन्द ल्वारको घरबाट एक नाले भरुवा बन्दुक (लोड गरेको), गोली २२ राउण्ड फलामको बन्दुकको नाल थान १ र बारुद २ डिब्बा बरामद गरेको हाे ।
त्यस्तै सोहि ठाउँका ४० वर्षीय बिरभाने ल्वारको छानोबाट एक नाले भरुवा बन्दुक (लोड गरेको) गोली १७ राउण्ड र बारुद २ डिब्बा बरामद गरेकाे छ ।
विज्ञापन
साथै सोही नगरपालिका ८ का ३० वर्षीय बल बहादुर् थापासँग पनि एक नाले भरुवा बन्दुक, पुरानो भरुवा बन्दुकको चाप फेला परेको जिल्ला प्रहरी कार्यालय बाजुराले जनाएको छ । प्रहरीका अनुसार अबैध हातहतियार सहित उनिहरुलाई पक्राउ गरी अनुसन्धान कार्य भईरहेको ।
फेसबुक प्रतिक्रियाहरु