मादक पदार्थ सेवन गरी श्रीमतीको हत्याको आरोपमा पक्राउ
अपराध
मादक पदार्थ सेवन गरी श्रीमतीको हत्याको आरोपमा पक्राउ
नागरिक रैबार
बुधबार, साउन २७, २०७८
अ
अ
अ
कास्की– मादक पदार्थ सेवन गरेर श्रीमतीको हत्या गरेको आरोपमा कास्कीको माछापुच्छ्रे गाउँपालिकाबाट प्रहरीले एक जनालाई पक्राउ गरेको छ ।
प्रहरीका अनुसार माछापुच्छ्रे गाउँपालिका वडा नं –२ बाझाखेत बस्ने ६५ वर्षीय श्रीराम कामीलाई ५५ वर्षीया श्रीमती श्रीमाया कामीको हत्या गरेको आरोपमा पक्राउ गरिएको हो ।
जिल्ला प्रहरी कार्यालय कास्कीका प्रवक्ता डीएसपी सुवास हमालका अनुसार मंगलबार बिहान श्रीराम कामीले ५५ वर्षीया कामीलाई सिलौटाको लोहोराले हिर्काउँदा मृत्यु हो ।
विज्ञापन
श्रीमानले लोहोरो प्रहार गर्दा टाउकोमा गम्भिर चोट लागेर घाइते भएकी उनलाई तत्काल उपचार गर्न पश्चिम क्षेत्रीय अस्पताल पोखरा ल्याइएकोमा उपचारकै क्रममा मृत्यु भएको डीएसपी हमालले बताए ।
अहिले घटनाको थप अनुसन्धान गरिरहेको प्रहरीले बताएको छ ।
फेसबुक प्रतिक्रियाहरु