नागरिक रैबार/बाजुरा १९ मंसिर। नेपाली काँग्रेस बाजुराका महाधिवेशन प्रतिनिधि तथा पूर्व संविधान सभा सदस्य महाँ नेपालीले काँग्रेसको आशन्न १४ औं महाधिवेशनमा केन्द्रीय सदस्यमा उम्मेदवारी दिने बताएका छन् ।

यस अघि काँग्रेस बाजुराको ७ औं जिल्ला अधिवेशनमा महाधिवेशन प्रतिनिधिीमा लोकप्रिय मत पाएर विजयी बनेका नेपालीले दलित समावेशीकोे तर्फबाट केन्द्रिय सदस्यमा उम्मेदवारी दिने बताएका हुन्।

प्रधानमन्त्री शेरबहादुर देउवा निकट मानिने नेपालीले काँग्रेसलाई सुदृढ र बलियो बनाउन आफ्नो उम्मेदवारी केन्द्रिय सदस्यमा रहने बताए । उनले दलित समावेशी तर्फबाट केन्द्रिय सदस्यमा उम्मेदवारी दिन लागेकोले काँग्रेसका सवै महाधिवेशन प्रतिनिधिहरुलाई समेत यस पटक सहयोग गर्न आग्रह गरेका छन् ।

विज्ञापन

बाजुराको खप्तड क्षेडेदह गाउँपालिकाको एक सामान्य दलित परिवारमा जन्मेका नेता नेपाली २०६४ सालमा बाजुराबाट नेपाली काँग्रेसको तर्फबाट समानुपातिक सभासद बनेका थिए । नेता नेपालीले गाउँदेखि जिल्ला हुँदै केन्द्र सम्म काँग्रेसका सवै नेता तथा कार्यकर्ताहरुसंग राम्रो सम्वन्ध बनाएका छन् ।

उनले भने सवैको साथ सहयोगले आफु यस पटक काँग्रेसको केन्द्रिय सदस्यमा उम्मेदवारी दिन लागेकोले सवैले सहयोग गर्न समेत उनले आग्रह गरेका छन् । काँग्रेसकाे १४ औं महाधिवेशन यही मंसिर २६ गतेदेखि काठमाण्डाैँमा सूरु हुने भएकाे छ ।