पछिल्लो राजनीतिक अवस्था र आफ्नो समुहको भुमिकाबारे छलफल गर्न बोलाइएको नेकपा एमाले माधव नेपाल समुहको केन्द्रीय समिति बैठक आजै सकिने भएको छ ।
सो समुहका नेता तथा सांसद मेटमणि चौधरीले बैठकस्थलमा उपस्थित सञ्चाकर्मीहरुलाई बैठक आजै सकिने जानकारी दिएका हुन् ।

उनले नेकपा एमालेलाई मिल्न नदिने पक्षमा केपी ओली पुगेको भन्दै ओलीले डिक्लियर नगर्दासम्म अर्को पार्टी निर्माण नगर्ने बताए । ‘ओलीले अर्को पार्टी नबनाएसम्म नेकपा एमालेबाटै आफ्ना क्रियाकलाप अघि बढाउने । केपी ओली बयलगाडा चुनावचिन्ह लिएर अघि बढ्छन् र आफ्नो पार्टीको नाम नेपाल कम्युनिस्ट पार्टी (केपी ओली ) राख्छन्’, चौधरीको आक्रोश छ ।

उनले आजको बैठकले पार्टीलाई कसरी अघि बढाउने भन्नेमा छलफल गर्ने जानकारी दिए । चौधरीका अनुसार एमालेका ९० जना भन्दा बढी केन्द्रीय सदस्य बैठकमा भाग लिँदैछन् ।

विज्ञापन