होमपेज केही सेकेण्डमा लोड हुनेछ।
Advertisement area
- Skip this
Advertisement area
सुदुरपश्चिमको शानदार जित, फाइनलमा लुम्बिनीसँग भिड्ने
काठमाडौं, १७ मंसिर । वाई–वाई यू–१९ पुरुष राष्ट्रिय क्रिकेट प्रतियोगितामा सुदुरपश्चिम प्रदेश शानदार जित निकाल्दै फाइनल प्रवेश गरेको छ ।
टियू क्रिकेट मैदानमा आज भएको खेलमा बागमति प्रदेशलाई ८ विकेटले पराजित गर्दै सुदुरपश्चिम फाइनल प्रवेश गर्न सफल भएको हो ।
बागमतीले दिएको ९६ रनको लक्ष्य सुदुरपश्चिमले २३.१ ओभरमा २ विकेटको नोक्सानीमा पुरा गर्यो ।
विज्ञापन
जसका लागि सुदुरपश्चिमका नरेन भट्टले अविजित रहँदै सर्वाधिक ३७रनको योगदान गरे भने राहुल भण्डारी पनि अविजित रहँदै ३१ रन रन जोडे ।
यस्तै, बसन्त कार्कीले ११ रन जोडे भने खडक बोहोराले ५ रन मात्र जोड्न सके ।
यसअघि टस हारेर व्याटिङ गरेको बागमतिले ३० ओभर १ बलमा अलआउट हुँदै ९५ रन जोडेको थियो ।
बागमतीका लागि विवेक मगरले सर्वाधिक ३२ रन जोडेका थिए भने क्रिस कार्कीले १७ बनाए ।
सुदुरपश्चिमका लागि हेमन्त धामीले १० ओभरमा १९ रन खर्चिएर सर्वाधिक ५ विकेट लिए भने शेर मल्लले ४ विकेट हात पारेका थिए ।
लुम्बिनी यसअघिनै फाइनल प्रवेश गरिसकेको छ ।
आइतबार हुने फाइनलमा जितका लागि सुदुरपश्चिम र लुम्बिनीले प्रतिष्पर्धा गर्नेछन् ।
चर्चामा
सम्बन्धित समाचार
फेसबुक प्रतिक्रियाहरु