नागरिक रैबार/बाजुरा १९ पुस। बाजुराको बुढीगंगा नगरपालिकामा भिरबाट लडेर १ जनाको मृत्यु भएको छ । मृत्यु हुनेमा सोही नगरपालिका ३ का अन्दाजी ४० वर्षीया सौरे नेपाली रहेकाे जिल्ला प्रहरी कार्यालय बाजुराले जनाएको छ ।
प्रहरीका अनुसार नेपाली मावली घर नडाङ्गबाट घर आउने क्रममा शुक्रबार राति पानीमुलको खोलाको कुलोबाट लडेर मृत्यु भएको बताइएको छ । मृतक नेपालीको पोष्ट मार्टमका लागि शनिबार नै जिल्ला अस्पताल बाजुरामा ल्याएको प्रहरीले बताएको छ ।
मृतकको हिन्दु परम्परा अनुसार दाहसंस्कार गरिने भएको छ । मृतक नेपालीको मृत्युपछि श्रीमती र छोराछोरी बेसहारा बनेका छन् ।
फेसबुक प्रतिक्रियाहरु