नेकपा एमालेको दशौँ राष्ट्रिय महाधिवेशन चितवनमा सम्पन्न भएको छ । एमाले नेता लालबावु पण्डितका लागी यो महाधिवेशन बिर्सनलायक परिघटना बनेको छ ।
महाधिवेशन बाट पदाधिकारीमा समेटिने औधी इच्छा राखेका पण्डीत अध्यक्ष केपी ओलीले पदाधिकारीमा नभएर केन्द्रिय सदस्यमा मात्रै नाम प्रस्ताव गरे पछि फन्किएर चितवन छोडेका थिए । कुनै पनि कार्यकारी पदमा नबस्ने घोषणा गरेका उनले अब के गर्छन् भन्ने चासो आम रुपमा रहेको छ ।

पदाधीकारी नपाए पछि केन्द्रिय सदस्य समेत अस्विकार गरेर महाधिवेशनमा आफ्नो मताधिकार समेत प्रयोग नगरि काठमाडौँ फर्किएका पण्डितले अहिले महाभारत अध्ययन गरिरहेका छन् । उनले आफुलाई महाभारतको पात्र भिष्म सँग तुलना गर्दै मन बुझाउँने बाटो लिएका छन् ।
महाभारतको पात्र भिष्मले जसरी आफ्नो निजी स्वार्थ छोडेर आफ्नै वंशीय राज्य सत्ताका लागी पवित्र सोचले लाग्दा आफ्नै वंशका प्रिय प्राप्तहरुबाट मृत्युवरण गर्नु परेको थियो आफ्नो हालत अहिले त्यस्तै भएको संकेत उनले गरेका छन् ।

चितवन बाट फकिएको दुई दिन पछि सामाजिक संजालमा स्टाटस लेख्दै पण्डितले महाभारत र इतिहास पढ्नु पर्ने बिषय रहेछ भनेका छन् । कुनै पनि कार्यकारी पदमा नबस्ने घोषणा गरेका पण्डितले आफ्नो हैसियत अहिले एमालेको संगठित सदस्य मात्रै भएको बताएका छन् ।
एकाबिहानै आफ्नो सामाजिक संजालमा पण्डीतले लेखेका छन् ।गंगा पुत्र भीष्म आफना सम्पूर्ण निजी स्वार्थहरु त्यागी रास्ट्र र वंशीय राज्य सत्ता को लागि जती नै पवित्र बिचार राखेर अघि बढ़े पनि आफनै बंशका आफनै प्रिय पात्रबाट अतिनै दुखदायी मृत्यु बरण हाँसी हाँसी गर्नु परेको इतिहास साच्छि रहेको छ ।त्यसैले महाभारत र इतिहास पढनु को साथै समझनु जरूरी रहे छ ।

विज्ञापन

पण्डीतको यस्तो स्टासमा सयौँले प्रतिक्रिया दिएका छन् । प्रतिक्रियाहरु भने उनलाई उत्साहित बनाउँने खालका कम छन् । धेरैले उनको कदम गलत भएको भनेका छन् भने केहिले माधव नेपाललाई धोका दिँदाको परिणाम भनेर खुचिङ मोरका छन् । केहीले भने लालबावु माथी साँचै अन्याय भएको भन्दै उनको पक्षमा उभिएका छन् ।  अाे टिभी नेपालबाट साभार