धनगढी: अछाममा एकजना वडा अध्यक्षलाई प्रहरीले नियन्त्रणमा लिएको छ। मदिरा सेवन गरि विवाद गरेको आरोपमा पञ्चदेवल विनायक नगरपालिका वडा नम्बर ८का वडा अध्यक्ष तारा प्रसाद खनाललाई प्रहरीले नियन्त्रणमा लिएको हो।

बुधवार रातमा पञ्चदेवल विनायक नगरपालिकाको केन्द्र विनायक बजारस्थित एक होटेलमा खनालले मदिरा सेवन गरेर होटेलका सञ्चालकमाथि हातपात गरेको बताईएको छ। उनले महिलामाथि अभद्र व्यवहारसमेत गरेको पिडीतको गुनासोका आधारमा प्रहरीले उनलाई बुधवार राति नै नियन्त्रणमा लिएको जनाईएको छ।

अहिले जिल्ला प्रहरी कार्यालयमा दुबै पक्षलाई राखेर विवाद समाधानबारे छलफलको तयारी भइरहेको अछाम प्रहरीले जनाएको छ। प्रहरी नियन्त्रणमा रहेका वडा अध्यक्ष खनाल नेपाली काँग्रेसका तर्फबाट निर्वाचित भएका थिए।