सोमबार साँझ डडेल्धुरामा भीरबाट लडेर १३ दिनको शिशुसहित एक महिलाको मृत्यु भएको छ । धामीझाँक्रीकोमा झारफुक गर्न जाने क्रममा लडेर मृत्यु भएको प्रहरीले जनाएको छ ।
जिल्ला प्रहरी कार्यालय डडेल्धुराका प्रमुख डीएसपी महेन्द्र नेपालका अनुसार मृत्यु हुनेमा नवदुर्गा गाउँपालिका–२ बगालकी ३५ वर्षीया पुतलीदेवी भुल रहेकी छिन् । पुतलीदेवी मणिलेक ढोब्डेनाको भीरबाट लडेकी नेपालले बताए ।
‘आफ्नो गाउँबाट अर्को गाउँमा झारफुक गर्न जाने क्रममा साथमा १३ दिनको शिशुसहित पुतलीदेवी भीरबाट लडेकी हुन्,’ नेपालले भने, ‘घटनास्थलमै उनीहरुको मृत्यु भएको हो ।’
फेसबुक प्रतिक्रियाहरु