संघीय सरकारलाई प्रदेशको चुनौती-कोरोनाको नि:शुल्क उपचार गर्छौं
समाचार
संघीय सरकारलाई प्रदेशको चुनौती-कोरोनाको नि:शुल्क उपचार गर्छौं
नागरिक रैबार
मङ्लबार, कार्तिक ४, २०७७
अ
अ
अ
काठमाडौं ४ कात्तिक। संघीय सरकारले नोवेल कोरोना भाइरस (कोभिड-१९) लागेका बिरामी मृत्यु शैय्यामा पुगे पनि निःशुल्क उपचार नगर्ने निर्णय गरेका बेला प्रदेश सरकारहरूले भने निःशुल्क उपचार गर्ने बताएका छन् ।
प्रदेश १ सरकार र लुम्बिनी प्रदेश सरकारले संघीय सरकारलाई चुनौती दिँदै निःशुल्क उपचार गर्ने घोषणा गरेका हुन । लुम्बिनी प्रदेशका मुख्यमन्त्री शंकर पोखरेलले लक्षण देखिएका संक्रमितको निःशुल्क उपचार जारी रहेको बताएका छन् ।
‘लुम्बिनी प्रदेशका चारवटै कोरोना विशेष अस्पतालमा लक्षण देखिएका बिरामीका लागि निःशुल्क उपचारको व्यवस्था यथावत रहेको छ,’ मुख्यमन्त्री पोखरेलले सामाजिक सञ्जाल फेसबुकमा लेखेका छन् ।
विज्ञापन
प्रधानमन्त्री केपी शर्मा ओली नेतृत्वको सरकारले प्रचलित संविधान र जनस्वास्थ्य ऐन, २०७५ को ठाडो उल्लंघन गरेर कोरोनाबाट मर्नै लागेका बिरामीको पनि उपचार नगर्ने निर्णय गरे लगत्तै मुख्यमन्त्री पोखरेलले यस्तो घोषणा गरेका हुन ।
प्रदेश-१ सामाजिक विकास मन्त्रालयका सचिव गोविन्दबहादुर कार्कीका अनुसार प्रदेश सरकारले सञ्चालन गरेको कोशी अस्पतालमा कोभिड-१९ उपचार केन्द्रमा शुल्क लिने निर्णय भएको छैन् ।
संघीय सरकारको नयाँ निर्णय पछि शुल्क लिन नलिने विषयमा छलफल नभएको जानकारी दिए । उनले भने, ‘यो अस्पतालको हकमा पुरानै निर्णय कायम छ ।’
फेसबुक प्रतिक्रियाहरु