डडेल्धुरा: डडेल्धुरामा विद्यालयका शिक्षक तथा स्थानीयमा कोरोना भाइरस संक्रमण देखिन थालेपछि विद्यालयहरु पुनः बन्द गरिएका छन्। गत चैतदेखि बन्द अवस्थामा रहेका विद्यालय केही समय सञ्चालनमा आएका थिए।

तर शिक्षकहरुलाई नै कोरोना संक्रमण देखिएपछि जिल्लाको ६ वटा विद्यालय पुनः बन्द भएका छन्। ७ स्थानीय तहमध्ये आलिताल, अजयमेरु गाउँपालिका र अमरगढी नगरपालिकाका ६ वटा विद्यालय बन्द भएको शिक्षा विकास तथा समन्वय एकाई डडेल्धुराले जनाएको छ।

जिल्लाकोे आलिताल गाउँपालिका–५ मा रहेको सरस्वती मावि भित्रीसैन, बालकल्याण मावि बाहिरसैन, अमरगढी नगरपालिकाको घटाल मावि नुवाकोट, उग्रतारा मावि पोखरा र अजयमेरु गाउँपालिकाको देवल मावि दिव्यपुर, केदार शिशु सुधार मावि मटेला बन्द भएका एकाई प्रमुख रामदत्त भट्टले जानकारी दिए।

विज्ञापन

संक्रमण नदेखिएका विद्यालयहरू भने संचालनमा रहेका छन्। जिल्लाभरमा समुदाय र संस्थागत गरी २ सय ८५ विद्यालय रहेका छन्।