गगन अयडी/ धनगढी २ जेठ। गौरी शंकर डेन्टल प्रालि धनगढीका सन्चालक रतन एसकेले संचारकर्मीलाई स्वास्थ्य सामाग्री सहयोग गरेका छन् । कोरोना भाईरस फैलिए संगै समाचार संकलन गर्न अग्रस्थानमा रहेका संचारकर्मीलाई उपलब्ध गराउनका लागि नेपाल पत्रकार महासंघ धनगढी शाखालाई स्वास्थ्य सामाग्री हस्तान्तण गरेको हो ।

सो अवसरमा बोल्दै नेपाल पत्रकार महासंघका जिल्ला शाखाका कोषाध्यक्ष हिमाल जोशीले स्वास्थ्यकर्मी सुरक्षाकर्मी सँगै सञ्चारकर्मी पनि फ्रन्ट लाईनमा काम गरिरहेको अवस्थामा यो सहयोगले थोरै भएपनि राहत भएको बताए ।

उनले अन्य निकायलाई पनि सञ्चारकर्मीहरुलाई सहयोग गर्न आग्रह गरे । गौरी शंकर डेन्टल प्रा.लि धनगढीले सामाजिक कार्य गर्दै आईरहेको एसकेले जानकारी दिए । यसपाली कोरोना भाईरसको उच्च जोखिममा रहेर समाचार संकलनका लागि फिल्डरमा खटिरहेका सञ्चारकर्मीलाई सहयोग गरेकोमा सञ्चारकमीले धन्यबाद दिएका छन ।

विज्ञापन