नागरिक रैबार/बाजुरा २९ मंसिर। नेपाली काँग्रेसले बाजुरामा पनि केपि ओली नेतृत्वको सरकारको विरोधमा मार्तडीमा प्रदर्शन गरेको छ ।
वर्तमान सरकारको कार्यशैलीले बेथिति बढेको भन्दै प्रमुख प्रतिपक्षी दल समेत रहेको नेपाली काँग्रेसले विरोध प्रदर्शन गरेको हो ।
सदरमुकाम मार्तडीको लोकतान्त्रिक चोकबाट सरकारको विरोध गर्दै नारा जुलससहित सडकमा उत्रेको नेपाली काँग्रेस बाजुराले विरोध प्रर्दशनको कोण सभा लोकतान्त्रिक चोकमा गर्ने जनाएको छ ।
विज्ञापन
विरोध सभालाई नेपाली काँग्रेस बाजुराका पार्टी सभापति कविराज पण्डित, पुर्व भुमिसुधार सहायक मन्त्री जनकराज गिरी लगायत बाजुराका काँग्रेस नेताले सम्बोधन गर्ने नेपाली काँग्रेस बाजुराले जनाएको छ ।
वर्तमान कम्युनिष्ट सरकारको सर्वसत्तावादी प्रवृति, दम, भ्रष्टाचार कोभिड १९ को नियन्त्रणमा असफलता, राज्य आतंक, चर्को मुल्य वृद्धि, महिला हिंसा, कुशासन, अधिनायकवादी शैलि र नेपाली काँग्रेसका वरिष्ठ नेता रामचन्द्र पौडेल माथि भएको अभद्र व्यवहारको विरोधमा नेपाली काँग्रेस बाजुराले पनि बाजुरामा विरोध प्रर्दनमा उत्रेको पार्टी सभापति कविराज पण्डितले बताएका छन् ।
विरोध सभामा जिल्ला भरबाट काँग्रेसका नेता तथा कार्यकर्ताहरु सहभागि भएका छन् ।
फेसबुक प्रतिक्रियाहरु