कैलाली – सुदूरपश्चिम प्रदेशमा कोरोना सक्रिय संक्रमितको संख्या ७ सय ४३ पुगेको छ ।

बिहीबार प्रदेशका बिभिन्न अस्पतालबाट थप ७० जनामा कोरोना संक्रमण पुष्टि भएपछि सक्रिय संक्रमितको संख्या ७ सय ४३ पुगेको हो ।

कैलालीका ६७, कंचनपुरका २ र डोटीका १ जनामा संक्रमण पुष्टि भएको सामाजिक बिकास मन्त्रालयले जानकारी दिएको छ ।

विज्ञापन

सक्रिय संक्रमितमा अछाम ४०,बैतडी ५६, बझाङ्ग ७३, बाजुरा ९, डडेल्धुरा ५, दार्चुला ७, डोटी ४९, कैलाली ४७१, कंचनपुर ३३ जना रहेको सामाजिक बिकास मन्त्रालयका स्वास्थ्य महाशाखा प्रमुख नरेन्द्र सिह कार्कीले रातोपाटीलाई जानकारी दिए ।

योसंगै यस प्रदेशमा निको हुने संक्रमितको संख्या पनि ५ हजार ४६१ पुगेको छ । सेती प्रादेशिक अस्पताल बाट ३, टिकापुर बाट ३, कंचनपुर बाट ८,डडेल्धुरा बाट ९ र बिभिन्न मितीमा ४५ डिस्चार्ज भई सकेपछि निको हुनेको संख्या ५ हजार ४६१ पुगेको उनले बताए ।

त्यसैगरी विभिन्न अस्पतालहरुमा ५८ कोरोना संक्रमितको उपचार भइरहेको छ । कैलालीको सेती प्रादेशिक अस्पताल धनगढीमा १८,टिकापुर १०, महाकाली १४, अछाम १०, डोटी २, डडेल्धुरा ३ र दार्चुला अस्पतालमा १ जनाको उपचार भइरहेको छ । शंकास्पद १४ जना आईसोलेसनमा छन् ।

प्रदेशका ९ वटै जिल्लामा ९९ आइृसोलेसन सेन्टरमा २ हजार ५७२ बेडहरु छन । सो बेडमा १ सय ७६पुरुष र ८४म्हिला र होम आईसोलेसनमा १ सय ८३ जना रहेको स्वास्थय महाशाखा प्रमुख नरेन्द्र सिह कार्कीको भनाई छ । यसअघि नै ११ जना संक्रमितको भने मृत्यु भइसकेको उनले बताए ।

६९ हजार ९७८ नमुना जाँच गरिएको मध्ये ६ हजार २१५जनामा संक्रमण फेला परेको छ भने भने ६३ हजार ७६३ नमुनामा भने नेगेटिभ आएको छ । अझै १ हजार ५०० नमुनाको रिजल्ट आउन बाँकी रहेको उनले बताए ।