नागरिक रैबार/बाजुरा २३ असोज। प्रथम वडा स्तरीय फुटबल प्रतियोगिताको विजेता बडीमालिका नगरपालिका ९ बनेकाे छ । बडीमालिका वडा नं. ८ को आयोजनामा भएकाे उक्त प्रतियोगितामा आज विहान भएको फाईनल खेलमा बडीमालिका ८ लाई पराजित गर्दै बडीमालिका ९ ले प्रतियोगिताको विजेता बनेको हो ।

प्रतियोगिताको विजेता बनेको बडीमालिका ९ ले ट्रफि, मेडल, प्रमाणपत्र सहित २० हजार बराबरको खसी प्राप्त गरेको हो ।त्यस्तै प्रतियोगितामा उपविजेता भएको बडीमालिका ८ ले नगद १० हजार सहित प्रमाण पत्र सहित मेडल प्रदान गरिएको छ ।

विज्ञापन

बडा दशैको उपलक्ष्यमा आयोजना गरिएको उक्त प्रतियोगिता असोज १८ गतेबाट संचालन भएको भएको थियो । प्रतियोगितामा बडीमालिका नगरपालिका भित्रका ९ वटै वडाका १४ वटा टिम सहभागि भएका थिए ।