रामेछापको रामपुर नेपालकै पहिलो छुवाछुत मुक्त वडा घोषण
देश/प्रदेश
रामेछापको रामपुर नेपालकै पहिलो छुवाछुत मुक्त वडा घोषण
नागरिक रैबार
बिहिबार, असार २५, २०७७
अ
अ
अ
रामेछाप । रामेछाप जिल्लाको रामेछाप नगरपालिकाको वडा नं ५ रामपुर जातीय छुवाछूत मुक्त वडा घोषणा भएको छ । बुधबार एक औपचारिक कार्याक्रमको आयोजनाका बिच जिल्लाकै पहिलो छुवाछुत मुक्त वडा घोषण भएको हो ।
छुवाछुत आफ्नै वडाबाट अन्त्य गर्ने अभियानका साथ सो कार्यक्रम गरिएको हो । सो कार्यक्रममा बोल्दै सोही वडाका अध्यक्ष भीमबहादुर तामाङले यो देशब्यापी बनाउनको लागि आफूसदैव लागि परेको बताए । उनले भने यो वडाबाटै सुरु गरेकाछौ आगामी दिनमा यो देशब्यापी बनाउनु पर्छ । मानिस सबै एकै हौं । आज पनि मानिस-मानिसमा विभेद् गरेर सामजको विकास, देश विकास र राष्ट्रको विकासको लागि कलङ्कको रुपमा हामीले भुल गर्नुहुदैन ।
पूरै गाउँका मानिसहरुको सहभागिता रहेको उक्त कार्यक्रममा २१ औं शताब्दिमा मानव जाति सबै एक हुन नसक्दा देश विकास हुन नसकेको, मानिसहरुमा चेतना फैलिन नसकेको, वक्ताहरुले ठोकुवा गरेका थिए । यो नेपालकै पहिलो छुवाछुत मुक्त वडा हुने कार्यक्रम आयोजक टिमको दाबी छ ।
फेसबुक प्रतिक्रियाहरु