१२ को परीक्षा होम सेन्टरबाट, विद्यार्थीलाई दुई मिटरको दूरीमा राखिने

समाचार

१२ को परीक्षा होम सेन्टरबाट, विद्यार्थीलाई दुई मिटरको दूरीमा राखिने

नागरिक रैबार

१२ को परीक्षा होम सेन्टरबाट, विद्यार्थीलाई दुई मिटरको दूरीमा राखिने

शुक्रबार, कार्तिक २१, २०७७

आगामी ९ मंसिरदेखि हुने कक्षा १२ को परीक्षा होम सेन्टरबाट हुने भएको छ । कोरोना भाइरस (कोभिड-१९) का कारण परीक्षा होम सेन्टरबाट नै गर्न लागिएको हो ।

परीक्षाको लागि उत्तरपुस्तिका विद्यालयमा पुर्‍याउने काम भइरहेको राष्ट्रिय परीक्षा बोर्डले जनाएको छ । बोर्डका अनुसार प्रश्नपत्र भने परीक्षाको दिन मात्र पुर्‍याइने छ । प्रश्नपत्र पनि बोर्डले तयार पारिसकेको छ ।

‘आफू पढ्ने विद्यालयबाट परीक्षा दिने हो । प्रश्नपत्र र उत्तरपुस्तिका बोर्डले बनाएको छ । प्रश्नपत्र परीक्षाको दिन र उत्तर पुस्तिका पुर्‍याउने काम भइरहेको छ,’ बोर्डका अध्यक्ष चन्द्रमणि पौडेलले भने, ‘उत्तरपुस्तिका काठमाडौंको केही ठाउँमा पुग्न बाँकी छ ।’

कक्षा १२ को पढाइ हुने सबै विद्यालयलाई परीक्षा केन्द्र तोकिएको छ । ‘अहिले जतिमा १२ पढाइ हुन्छ ती सबै परीक्षा केन्द्र हुन्,’ उनले भने, ‘१२ को पढाइ हुने ४ हजार १ सय विद्यालय छन् ।’ कोरोना भाइरसका कारण डरलाग्दो स्थिति भएकाले छोटो परीक्षा लिन लागिएको उनले बताए । ‘बढीमा डेढ घण्टाको परीक्षा हुन्छ । ४० पूर्णाङ्कमा लिखित परीक्षा लिन लागेका हौँ । महामारीमा विद्यार्थीको मानसिकता बुझेर छोटो परीक्षा लिन लागेका हौँ,’ उनले भने ।

४० प्रतिशत ११ मा प्राप्त गरेको नम्बर र २० प्रतिशत विद्यालयको आन्तरिक मूल्याङ्कनलाई आधार मानेर नतिजा सार्वजनिक गरिने उनले बताए । आफूलाई पायक पर्ने सेन्टरमबाट परीक्षा दिन फारम भरेका विद्यार्थीले मात्र एक जिल्लाबाट अर्को जिल्लामा वा एउटा सेन्टरबाट अर्को सेन्टमा गएर परीक्षा दिने पाउने छन् ।

‘एक जिल्लाबाट अर्को जिल्लामा वा एउटा सेन्टरबाट अर्को सेन्टरमा परीक्षा दिनका लागि फारम कलेक्सन गरिसकेका छौं,’ अध्यक्ष पौडेलले भने, ‘फारम नभरेकाले अब अर्को ठाउँमा गएर परीक्षा दिन पाउँदैनन् । जम्मा ४ लाख ३३ हजार परीक्षार्थीमा ४ प्रतिशत जतिले मात्र सेन्टर सार्ने फारम भरेका छन् ।’

स्वास्थ्यको मापदण्ड अनिवार्य

स्वास्थ्यको मापदण्ड अनिवार्य पालना गर्न बोर्डले सबैलाई अनुरोध गरेको छ । ‘सरकारले जारी गरेको स्वास्थ्यको मापदण्ड अनिवार्य पालना गर्नुपर्छ । अनिवार्य मास्क लगाउने र विद्यार्थीलाई २ मिटरको दूरीमा राखेर परीक्षा गराउँछौँ,’ उनले भने, ‘परीक्षा अगाडि र परीक्षा सकिएपछि भीडभाड गर्न दिइने छैन ।’

कोरोनाका कारण गत ८ वैशाखका लागि तोकिएको परीक्षा स्थगित भएको थियो । कक्षा १२ को परीक्षा नहुँदा विश्वविद्यालयको शैक्षिक क्यालेन्डर प्रभावित र विदेश पढ्न जाने विद्यार्थी मारमा परेका थिए । कोरोना भाइरसकै कारण इसईईको नतिजा विद्यालयको मूलयाङ्कनको आधारमा सार्वजनिक गरिएको थियो भने ११ को परीक्षा विद्यालयलाई नै गर्न भनिएको छ ।

अघिल्लो समाचार

‘हामी फेरि हलिया भयाैँ, यसकाे दाेषी सरकार हाे’

अर्को समाचार

थप २९०९ जनामा कोरोना संक्रमण, उपत्यकामा १३३८ जना

फेसबुक प्रतिक्रियाहरु

[gs-fb-comments]

चर्चामा

१

स्थानीय उत्पादनमा आधारित विद्यालय दिवा खाजा कार्यक्रम बाजुराबाट बाहिरियो

सम्बन्धित समाचार

देश/प्रदेश

प्रधानमन्त्री ओली सेप्टेम्बर १६ मा भारत भ्रमणमा जाने

काठमाडौं । प्रधानमन्त्री केपी शर्मा ओली भारत भ्रमणमा जाने भएका छन् । प्रधानमन्त्री ओली सेप्टेम्बर १६ तारिकमा भारत भ्रमणमा जाने भएका हुन् । भारतीय प्रधानमन्त्री नरेन्द्र मोदीका तर्फबाट समकक्षी ओलीलाई दुई दिने भ्रमणको निमन्त्रणा आएको परराष्ट्र मन्त्रालय श्रोतले जनाएको छ । परराष्ट्र मन्त्रालयका अनुसार प्रधानमन्त्री ओली सेप्टेम्बर १६ तारिख नयाँ दिल्ली गएर १७ तारिख स्वदेश […]

२ दिन अगाडि

समाचार

भारी वर्षाको अनुमान छ, अत्यावश्यकबाहेक यात्रा नगर्नू, सुरक्षित स्थानमा बस्नू : प्रधानमन्त्री

काठमाडौं : प्रधानमन्त्री केपी शर्मा ओलीले नागरिकलाई अत्यावश्यकबाहेक यात्रा नगर्न र सुरक्षित स्थानमा बस्न अनुरोध गरेका छन्।मौसम पूर्वानुमान महाशाखाले आज दिउँसोदेखि देशका विभिन्न भू–भागमा भारी वर्षाको सम्भावना रहेको जानकारीका गराएपश्चात प्रधानमन्त्री ओलीले सुरक्षाकर्मीहरूलाई तयारी अवस्थामा रहन निर्देशन दिएका हुन्। बाढी, पहिरो, डुबानलगायत सम्भावित विपद्‌बाट हुनसक्ने क्षति न्यूनीकरणका लागि संघ, प्रदेश र स्थानीय सरकारका सम्बन्धित निकायहरूलाई […]

३ दिन अगाडि

गन्तव्य

विरेखोला झरनाको प्रवर्द्धनका लागि देउडा कार्यक्रम, एकै दिन गरे ३ हजार बढिले भ्रमण

राजेन्द्र विक बाजुरा,३साउन। बाजुराको बडीमालिका नगरपालिका ६ र ८ को सीमा क्षेत्र रापकमा पर्ने विरेखोला झरनाको एकैदिन ३ हजार जना आन्तरिक पर्यटकले भ्रमण गरेका छन्। साउने संक्रान्तिको अवसरमा बिहिवार बिरेखोला झरना स्थलमै गरिएको लाइभ देउडा कार्यक्रम संगै झरनाको प्रत्यक्ष टिकट काटेरै एक हजार भन्दा बढि र बाहिर बाटै करिब २ हजार आन्तरिक पर्यटकले अवलोकन गर्नुभएको […]

४ दिन अगाडि

समाचार

बाजुरामा मुद्धा दर्ताको संख्यामा वृद्धि, सबै भन्दा बढी सम्बन्ध विच्छेदका

नागरिक रैबार/बाजुरा ३२ असार। बाजुरामा यो वर्ष मुद्धा दर्ताको संख्यामा उल्लेख्य बृद्धि भएको । गत आर्थिक वर्षको तुलनामा यो वर्ष मुद्दा दर्ताको संख्या बढी भएको पत्रकार सम्मेलन मार्फत जानकारी गराएको हो । यो वर्ष १ सय ११ वटा मुद्दा दर्ता भएको जिल्ला न्यायधिस सन्जिव पोखरेलले पत्रकार सम्मेलन मार्फत जानकारी दिएका हुन् । गएको वर्षको तुलनामा […]

७ दिन अगाडि

समाचार

देशभर मनसुनी वायुको प्रभाव, यी पाँच प्रदेशमा भारी वर्षाको सम्भावना

काठमाडौँ । हाल देशभर मनसुनी वायुको प्रभाव रहेको मौसम पूर्वानुमान महाशाखाले जनाएको छ। मनसुनको न्यून चापीय रेखा सरदर स्थानको आसपास रहेको छ। जसको प्रभावले हाल देशभर आंशिकदेखि साधरणतया बदली रहेको छ। बागमती, गण्डकी, लुम्बिनी र कर्णाली प्रदेशका थोरै स्थानहरूमा तथा कोशी र सुदूरपश्चिम प्रदेशका एक–दुई स्थानमा हल्का देखि मध्यम वर्षा भइरहेको छ। आज दिउँसो देशभर […]

१ हप्ता अगाडि

त्रिवेणी

बाजुराको बडीमालिका मन्दिरको पुनर्निर्माण कार्य सम्पन्न

सुदूरपश्चिम प्रदेशको प्रमुख प्रसिद्ध धार्मिक तथा पर्यटकीय स्थल बडिमालिका मन्दिरको पुनर्निर्माण कार्य सम्पन्न भएको छ । नेपाली सेनाको नेतृत्वमा सम्पन्न मन्दिर निर्माणबारे बिहीबार सार्वजनिक गरिएको सूचनामा पुननिर्माण कार्य गत असार २३ गते सम्पन्न भएको उल्लेख गरिएको छ । सेनाले २०८१ सालको चैत्र २८ गतेदेखि मन्दिर पुनर्निर्माणको काम सुरु गरेको थियो। यद्यपि निर्माण लागतबारे कुनै विवरण […]