सेभियासँग बराबरी गर्दै बार्सिलोनाले स्पेनिस ला लिगाको नयाँ सिजनमा आफ्नो अपराजित यात्रालाई कायम राखेको छ । आइतबार भएको खेल १–१ को बराबरीमा सकिएको छ ।

लुक डि योङले खेलको आठौँ मिनेटमा सेभियालाई अग्रता दिलाए पनि दुई मिनेटपछि नै फिलिपे काउन्टिन्होले गोल गर्दै खेल बराबरी गरेका थिए । ला लिगाको यो सिजनमा उनको पहिलो गोल हो । त्यसपछि दुवै टोली गोल गर्न असमर्थ रहे ।

एक खेल कम खेलेको बार्सिलोना र सेभिया शीर्ष स्थानमा रहेको रियल म्याड्रिडभन्दा तीन अंकले पछि रहेको छ । ७ अंकसहित बार्सिलोना र सेभिया क्रमशः पाँचौ र छैटौँ स्थानमा छन् ।

विज्ञापन

यसअघि रियल म्याड्रिडले लेभान्तेलाइृ २–० ले हराउँदै लिगको शीर्ष स्थानमा उक्लिएको थियो ।