कैलाली – सुदुरपश्चिम प्रदेशमा कोरोना सक्रिय संक्रमित संख्या १ हजार ३७३ पुगेको छ । सोमबार गरिएको परिक्षणबाट थप ६६ जनामा कोरोना संक्रमण पुष्टि भएपछि सकृय संक्रमित १ हजार ३७३ पुगेको हो ।

सेती प्रादेशिक अस्पताल धनगढीबाट २० , डडेल्धुरा अस्पतालबाट ,२ र रास्ट्यि जनस्वास्थ्य प्रयोगशालाबाट गरिएको परिक्षणमा ४४ जनामा संक्रमण पुष्टि भएको स्वास्थय निर्देशनालय डोटीले मिडिया ब्रिफिङ्गमा जानकारी दिएको छ ।

कैलालीका २२ पुरुष, २४ महिला,कंचनपुरका १४ पुरुष, १ महिला, बझाङ्ग १ पुरुष र अछाम २ पुरुष र २ महिलामा सक्रमण पुष्टि भएको निर्देशनालयले जनाएको हो ।

विज्ञापन

यसअघि नै ३ हजार २७६ जना निको भएर घर गइसकेका छन् भने ९ जना संक्रमितको मृत्यु भइसकेको सामाजिक बिकास मन्त्रालयका स्वास्थ्य महाशाखा प्रमुख नरेन्द्रसिंह काक्रीले रातोपाटीलाई जानकारी दिए । प्रदेशमा हालसम्म ३६ हजार ५५७ जनाको पीसीआर बिधिबाट जाँच गरिएको र ३१ हजार ८९९ मा नेगेटिभ आएको उनले बताए । १ हजार ३७३ को रिपोर्ट आउन बाँकी रहेको छ । आरडिटी बिधिबाट १ लाख २४ हजार ६९० जनामा परिक्षण गरिएको छ ।

हालसम्म फेला परेका संक्रमितहरु अछामका ६९९, बैतडीका ३१९, बझाङ्गका २६९ ,बाजुरा ४४९, डडेल्धुराका ३०१, दार्चुलाका ३८, डोटीका ७३० , कैलालीका १२७२ र कंचनपुरका ५८१ गरि ४ हजार ६५८ रहेका छन । जस्मा महिला १ हजार १२७ , पुरुष ३ हजार ५३१ रहेका छन । क्वारेन्टिनमा १ हजार ५५१ पुरुष र ५ सय ४५ महिला रहेका छन । प्रदेशका बिभिन्न आइसोलेसनमा शंकास्पद १८ र संक्रमित ५५ गरी ७३ जनाको उपचार भईरहेको छ । ८६१ जना भने सामान्य उपचारपछि घर गइसकेका छन् ।

सेती प्रादेशिक अस्पतालमा २, टिकापुर १६ , महाकाली २५, अछाम १०, डोटी अस्पतालमा २ जनाको उपचार भइरहेको उनले बताए ।

बाँकीको भने ९ वटै जिल्लाको आईसोलेसनमा उपचार भइरहेको स्वास्थ्य महाशाखा प्रमुख काक्रीको भनाई छ ।