नागरिक रैबार/बाजुरा २२ जेठ।  नेपाल विद्यार्थी संघ बाजुराका उपाध्यक्ष एंव विद्यार्थी नेता जनक थापाले आफ्नो २९ औं जन्म दिनको अवसरमा क्वारेन्टाईनमा रहेका १ सय १५ जनालाई सर्जिकल मास्क वितरण गरेका छन् ।

विश्वमा महामारिका रुपमा फैलिएको कोरोना भाईरस कोभिड-१९ बाट बच्नका लागि बाजुरा क्वाम्पसको क्वारेन्टाइनमा रहेकाहरुलाई सर्जिकल मास्क स‌गै डस्विन वितरण गरेको विद्यार्थी नेता थापाले बताएका छन् ।

विज्ञापन

जन्मदिनलाई तामझामका साथ मनाएर खर्च गर्नुभन्दा क्वारेन्टाइनमा रहेकाहरुको स्वास्थ्य अवस्थालाई मध्येनजर गरेर आफ्नो जन्मदिनको अवसरमा उक्त सामाग्रीहरु वितरण गरेको थापाले बताएका छन् ।

विहिबार बडीमालिका नगरपालिकाकी उप्रमुख कविता विष्ट लगायत अन्य विद्यार्थीहरु बाजुरा क्याम्पसको क्वारेन्टाइनमै पुगेर उक्त सामाग्रीहरु वितरण गरेका हुन् ।