टिपर दुर्घटना हुँदा तीनको मृत्यु भएको छ भने १२ जना घाइते भएका छन् । हुम्लाको सदरमुकाम सिमकोटमा भएको दुर्घटनामा घाइते भएका मध्य ६ जनाको अवस्था गम्भीर छ।
नाम्खा गाउँपालिकाको सन्धीखोलाबाट जिल्ला सदरमुकाम जाँदै गरेकोा लु४ख ३२६९ नम्बरको टिपर सडकबाट १५ मिटर तल खसेको हो। मृत्यु हुनेमा एक महिला र २ पुरुष रहेको जिल्ला प्रहरी कार्यालय हुम्लाका डिएसपी रामप्रसाद घर्तिमगरले बताए।
मृतकको पहिचान नभइसकेको र घाइतेहरुलाई उपचारका लागि जिल्ला अस्पताल हुम्ला लगिएको उनले बताए। घटनाको विषयमा थप अनुसन्धान भइरहेको प्रहरीले जनाएको छ ।
फेसबुक प्रतिक्रियाहरु