राजेन्द्र बिक/बाजुरा ८ भदौ। बडीमालिका नगरपालिका वडा न.५ स्थित रुघाखोचा बस्ती पहिरोको उच्च जोखिमा रहेको छ । जडाङ्गा देखि मना सम्म जाने सडक जथाभावि तरिकाले कटान गरेपछि उक्त बस्ती पहिरोको उच्च जोखिम्मा परेको हो ।
बस्ती माथिबाट बडीमालिका नगरपालिकाले सडक कटान गरेपछि उक्त बस्तीमा बसोबास गर्ने स्थानीयहरुलाई ज्यान जोगाउन समस्या उत्पन्न भएको छ ।

भिरालो चट्टानमा सडक काटिएको हुंदा चट्टान बेला बेलामा खसिरहेको छ । जिबिकोपार्जनका लागि बडिमालिका नगरपालिकाकै मना गाउँ छोडेर ब्यबसायिक बन्न रुघाखोचा बस्तीमा बसाई सरेका ४ घरपरिवार अहिले पहिरोको डरले रातभर जागराम बस्ने गरेको स्थानीय लोकेन्द्र साउंदले बताए ।

अहिले बारम्बार बस्तीमाथिबाट ढुङ्गा माटो खसेर खेतीयोग्य जमिनको केही भागमा क्षती भईसकेको छ र बांकी रहेको खेतमा पनि पूर्ण रुपमा क्षती हुने क्रम नरोकिएकाले आफुहरु चिन्तित रहेको अर्का बासिन्दा सुरत साउंदले बताए ।

विज्ञापन

उक्त बस्तीलाई पहिरोबाट जोगानका लागि बडीमालिका नगरपालिकासंग तटबन्धनका लागि व्यवस्था गरिदिन आग्रह गरेको भएपनि बडीमालिका नगरपालिकाले व्यवास्ता गरेको स्थानीय बासीको गुनासो रहेको छ ।
यता बडीमालिका नगरपालिका वडा नं. ५ का वडा अध्यक्ष बलबहादुर थापाले भने सो बस्तीलाई पहिरोबाट जोगाउनका पहल भैरहेकोले छिट्टै यसको समाधान गरिने आश्वासन दिएका छन् ।