काठमाडौं – फिल्म ‘छ माया छपक्कै’को ट्रेलर सार्वजनिक गरिएको छ । शुक्रबार नयाँ बानेश्वर स्थित ‘वान सिनेमाज्’मा आयोजित एक कार्यक्रममा ट्रेलर सार्वजनिक गरेको हो ।

राजनीति पृष्ठभूमिमा प्रेम मिसाइएको ट्रेलरमा फिल्मका प्रायः सबै कलाकार अटाएका छन् । ट्रेलरबाट कलाकार दीपकराज गिरी राजनीति नेता र अभिनेत्री केकी अधिकारी उनको प्रेमीका तथा कार्यकर्ताको भुमिकामा रहेको अनुमान लगाउन सकिन्छ ।

दीपेन्द्र लामाको निर्देशन रहेको फिल्ममा दीपक र केकीको अलवा केदार घिमिरे, जितु नेपाल, सुपुष्पा भट्ट, अनुराग कुँवर, प्रकाश घिमिरे, रमा थपलिया, विष्णु सापकोटा लगायतका कलाकारको अभिनय छ ।

विज्ञापन

असोज २४ गतेबाट देशव्यापी प्रदर्शनमा आउने फिल्ममा निर्देशक लामालाई दीपाश्री निरौलाले निर्देशनमा सघाएकी छन् । फिल्मलाई हरि हुमागाइँले खिचेका हुन् भने विपिन मल्लको सम्पादन रहेको छ ।

केदार प्रसाद घिमिरे कार्यकारी निर्माता रहेको फिल्म रोहित अधिकारीले निर्माण गरेका हुन् । निर्देशक लामाकै कथा रहेको फिल्ममा दीपकराज गिरीको पटकथा रहेको छ । संवादमा उनलाई केदार प्रसाद घिमिरे, जितु नेपाल, अभिमन्यू निरवीले सघाएका छन् ।