बैशाख २२, २०७६

नयाँ दिल्ली, (एजेन्सी)
ओपनरको सानदार ब्याटिङ र तेस्रो नम्बरमा आएका ब्याटसम्यान एन्डे« रसेलको आक्रमक शैलीले कोलकाता नाइट राइडर्सलाई जारी आईपीएल १२ मा ६ हारपछि पहिलो जितको स्वाद चखाएको छ ।

आईतबार भएको खेलमा मुम्बई इन्डियन्सविरुद्ध ३४ रनको जित हासिल गरेको कोलकाताले लगातार हारको क्रम समाप्त गर्दै प्लेअफको आस पनि जिवित राख्यो । साथै यो कोलकाताको आईपीएलमा १ सयौं जित हो भने २०१५ आईपीएलपछि मुम्बईमाथि पहिलो जित पनि हो । ओपनर शुभमन गिलले ७६ रन र क्रिस लिनले ५४ रन जोडेका थिए ।

विज्ञापन

उनीहरुले टोलीलाई राम्रो शुरुवात दिलाउने क्रममा ९.३ ओभरमा ९६ रनको साझेदारी गरेका थिए । लिनले २९ बलमा ८ चौका र २ छक्का प्रहार गरेर चहरको बलमा आउट भएका थिए ।

लिनको विकेट लिए पनि मुम्बईले राहतको श्वास तान्न भ्याएन । एन्डे« रसेलको आक्रमक ब्याटिङमा कोलकाताले रन रेट बढाउँदै गएको थियो । शुभमन र रसेलले टोलीको स्कोर १ सय ५८ रनसम्म पु¥याए । हार्दिक पाण्ड्याको बलमा आउट हुन अगाडि शुभमनले ४५ बलको सामना गर्दै ६ चौका र ४ छक्का प्रहार गरेका थिए ।