नागरिक रैबार/बाजुरा ११ फागुन। बुढीगंगा नगरपालिकाले फागुन १२ गतेबाट नगरपालिकामा सञ्चालन हुने जिल्ला स्तरीय राष्ट्रपति रनिङ शिल्ड प्रतियोगीता अवधीभर मदिरा विक्री वितरणमा रोक लगाउने भएको छ ।
मदिराका कारण कतिपय उच्छृङ्खल गतिविधि हुने भएकाले खेल अवधिभर नगरपालिकाभित्र मदिरा विक्री वितरणमा रोक लगाउने नगर प्रमुख रामबहादुर बाँनियाले बताएका छन् ।
खेलकुदका गतिविधि सञ्चालन भईरहेको स्थानमा मदिरा सेवन गरी प्रवेश गर्ने, होहल्ला गर्ने, झैं-झगडा तथा कार्यक्रम सञ्चालन स्थल भन्दा करिव ५ सय मिटर आसपासमा मदिरा विक्री वितरण गर्न पूर्ण रुपमा रोक लगाईएको छ ।
नगरपालिमा रहेको भोनोदय माध्यामिक विद्यालयमा भोलिबाट सञ्चालन हुने प्रतियोगीता आगामी फागुन १५ गतेसम्म सञ्चालन गरिने गरी तयारी पूरा गरिएको छ ।
नगर सरकारले गरेको निर्णयको अवज्ञा गरी मदिरा विक्री वितरण तथा ओसार पसार गरेमा कानुन बमोजिम कारबाही समेत गर्ने गरी निर्णय गरिएको छ । नगरमा पहिलो चोटी सञ्चालन हुने जिल्ला स्तरीय राष्ट्रपति रनिङ शिल्ड प्रतियोगीतालाई भव्य, सभ्य तथा मर्यादित तरिकाले सम्पन्न गर्न भूमिका खेल्न आग्रह समेत गरिएको छ ।
फेसबुक प्रतिक्रियाहरु