नागरिक रैबार/बाजुरा २४ पुस । बाजुरामा भालुकाे आक्रमणबाट एकजना घाइते भएका छन् । घाइते हुनेमा जिल्लाको खप्तड छेडेदह गाउँपालिका वडा नम्बर ३ धुर्ताेला बस्ने अन्दाजी ३५ बर्षका रणबहादुर रावत रहेका छन् ।
उनलाई मंगलबार हिजो दिउँसो गाइवस्तुका लागि स्याउला बटुल्ने क्रममा खप्तड राष्ट्रिय निकुज्ज नजिकै रहेकाे जंगलमा भालुले आक्रमण गरेर घाइते बनाएको जिल्ला प्रहरी कार्यालय बाजुराले जनाएको छ ।
उनका अनुसार भालुको आक्रमणबाट रावतकाे टाउको, मुख, छाती र बायाँ हात चुटिएको छ । घाइते युवकलाई स्थानीय र प्रहरीले उद्वार गरि उपचारका लागि अछामको बयालपाटा अस्पतालमा लगिएको छ ।
फेसबुक प्रतिक्रियाहरु