नागरिक रैबार/बाजुरा २२ जेठ । सरकारले बाजुराको सदरमुकाम मार्तडीको उपरकोटमा रहेको मालिका मन्दिर निर्माणका लागि आवश्यक बजेट विनियोजन गरेको छ ।

बडीमालिका नगरपालिका ८ स्थित मार्तडीको उपरकोटमा रहेको मालिका मन्दिर निर्माणका लागि ४५ लाख बजेट विनियोजन भएको हो ।

संस्कृति पर्यटन तथा नागरिक उड्यन मन्त्रालय अन्तर्गत पुरातत्व विभाग मार्फत निर्माण हुने गरी उक्त मन्दिर निर्माणका लागि आवश्यक ४५ लाख बजेट विनियोजन गरिएको हो । मन्दिर निर्माणमा लागि क्रमागत शीर्षक मार्फत ४५ लाख बजेट विनियोजन गरिएको हो ।

विज्ञापन

संस्कृति पर्यटन तथा नागरिक उड्यन मन्त्री बद्रीप्रसाद पाण्डेको प्राथमिकतामा मार्तडीमा रहेको मालिका मन्दिरको निर्माण लागि आवश्यक बजेट विनियोजन भएको बताईएको छ ।

सदरकुाम मार्तडीमा रहेको यस मन्दिरमा सदरमुकाम मार्तडी बासी लगायत बाहिरबाट आउने भक्तजनहरुले दर्शन गर्ने गर्दछन् । अग्लो डाँडामा रहेकाले पनि यो मन्दिर अवलोकन र दर्शन गर्न आउनेहरुको संख्या दिनप्रतिदिन बढ्दै गएको देखिन्छ ।

पुरानो र जीर्ण अवस्थामा रहेको यो मन्दिरको पुनः निर्माणका लागि सरकारले आवश्यक वजेट विनियोजन गरेपछि स्थानीयहरु खसी भएका छन् ।