नागरिक रैबार/बाजुरा २९ भदाै। जिल्लाकाे बुढीगंगा नगरपालिका ९ र १० का कृषकहरूकाे बारीमा पाक्न लागेकाे बाली जंगली जनावरले सखाप पार्न थालेकाे छ ।
कृषकहरूले दु:ख गरेर लगाएकाे बाली पाकेर भित्र्याउन बेलामा जंगली जनावर (बदेँल, बाँदर) काे आहारा बनेपछि बुढीगंगा ९ काे जुवापानी र १० काे बदेडा तिमाडा सेलापाखाका कृषक चिन्तित बनेका छन् ।
यसरी पाकेकाे बाली भित्र्याउने बेला जंगली जनावरले बारीमै सखाप पार्न थालेपछि यसकाे नियन्त्रण गरिदिन सम्बन्धित निकायसँग कृषकहरूले आग्रह गरेका छन् ।
विज्ञापन
अहिले किसानकाे बारीमा मकै, काेदाे, धान, कागुनाे लगायतका बालीहरू पाक्न थालेका छन् ।
फेसबुक प्रतिक्रियाहरु