नागरिक रैबार/बाजुरा २६ माघ। जिल्लाको खप्तड क्षेडेदह गाउँपालिकामा आजबाट गाउँपालिका स्तरीय तेस्रो राष्ट्रपति रनिङ शिल्ड प्रतियोगिता संचालन गरिएको छ ।
खप्तड क्षेडेदह गाउँपालिकाको आयोजना र मष्टेश्वरी माद्यमिक विद्यालय डोगडीको सह-आयोजनामा उक्त प्रतियोगिता संचालन गरिएको हो ।
राष्ट्रका लागि खेलकुद, स्वास्थ्यका लागि खेलकुद, सवैका लागि खेलकुद भन्ने मुल नाराका साथ यस वर्षको गाउँपालिका स्तरीय तेस्रो राष्ट्रपति रनिङ शिल्ड प्रतियोगिता आजबाट गाउँपालिकाको केन्द्र डोगडीमा सूरु भएको हो ।
विज्ञापन
मष्टेश्वरी मावि डोगडीका विव्यस अध्यक्ष रामकृष्ण रावलको अध्यक्षतमा संचालन गरिएको उक्त प्रतियोगितामा प्रमुख अतिथि खप्तड क्षेडेदह गाउँपालिका अध्यक्ष दिलबहादुर रावत रहेका छन् भने विशिष्ट अतिथि गाउँपालिका उपाध्यक्ष विशुदेवी नाथ र निवर्तमान गाउँपालिका अध्यक्ष नरबहादुर रावत रहेका छन् ।
पालिकाको केन्द्र डोगडीमा सूरु भएको प्रतियोगितामा गाउँपालिका पालिका भित्रका ८ वटा विद्यालय सहभागि भएका छन् ।
फेसबुक प्रतिक्रियाहरु